'Martxoa Euskaraz' izeneko dinamikarekin aurkeztu dute taldea. Egoera ezberdinak dira ikasleak Euskararen aldeko talde hau sortzera bultzatu dituztenak. Manifestazioa egingo dute martxoaren 30ean.
Euskal Herriko Unibertsitatean ematen diren egoera ezberdinak bultzatu dituztela talde hau sortzera adierazi dute: graduak %100 euskaraz ikasteko ezintasuna, EHUk euskararen normalizazio-prozesuan duen jarrera eta ikasle-bizitza euskaraz egiteko ezintasuna, besteak beste.
Dinamika honetan hitzaldi, eztabaida eta dokumentalen proiekzioak emateaz gain, hainbat konpromiso hartuko dituzte. Txapa bat eramango dute hilabete osoan zehar; honela, mintzatzen den edozeinek (ikasle, irakasle, langile...), jakingo du txapa daraman pertsona orok ondorengo konpromisoak hartuak dituela: euskaraz dakien ororekin euskara hutsean hitz egin, bakoitzaren ingurunean eragin jendeak euskara hitz egin dezan, eta EHUren zerbitzuetan (kafetegi, denda...) euskara hutsean jardun.
Gainera, bizi duten egoera salatzeko sinadurak jasoko dituzte ikasle, funtzionario eta langileen artean EHUri aldarrikatzeko, besteak beste, gradu guztiak euskaraz nahi dituztela, zerbitzuetan euskaraz jasotzea nahi dutela eta EHU Euskal Herriaren euskalduntze prozesuan eragile aktiboa izan behar dela.
Dinamikari amaiera emateko manifestazioa egingo dute martxoaren 30ean.
Albiste hau topatu.eus-ek argitaratu du eta CC-by-sa lizentziari esker ekarri dugu ARGIAra.
Galiziako Oleiros udalerriko María Casares ikastetxe publikoko ikasleak dira. 12 eta 17 urte arteko 600 ikasletatik inork ez du eguneroko hizkuntza galegoa. Maiatzean erronka jo zuten hainbat irakaslek eta ikaslek: ea gai garen 48 orduz galizieraz aritzeko. 200 ikaslek... [+]
Azaroaren 23tik abenduaren 3ra bitarte egingo da 11 egun euskaraz ekimena. Eusko Jaurlaritza, Nafarroako Gobernua, Euskal Elkargoa, Euskararen Erakunde Publikoa eta Euskaltzaleen Topagunea dira antolatzaile. Beren datuen arabera,
60.000tik gora pertsonak eman du izena.
Ezohiko egitasmoa dute martxan Hernanin otsailetik: urte amaierara bitarte, orain arte dituzten hizkuntza ohiturak irauli eta harremanak euskarara ekartzeko ahaleginean ari dira ehunka herritar. Hilero, 100 norbanako gehitzen dira ekimenera eta dagoeneko 800 herritarrek baino... [+]
Nerea Redondo eta bere ahizparen asmoa triatloia probatzea zen. Hala gerturatu ziren ekainaren 23an Donostiako X. Emakumezkoen Triatloira. Epailearen hitzek harri eta zur utzi zituen: “Por mis cojones que vais a hablar en castellano”. Alegia, bi ahizpen artean... [+]
Lehenengo ehun erronkalariak otsailaren 3an hasiko dira. Gaztelaniaz dituzten harremanak euskarara ekartzen saiatuko dira. Hilero ehun pertsona gehitzea da helburua. Hala, 2018an 1.100 hernaniarrek hartuko dute parte aurrekaririk ez duen erronkan.