Euskal Herrian hamaika egunez euskaraz aritzeko egitasmoa abiatu da

  • Sustatzaile nagusi Euskaltzaleen Topagunea eta Eusko Jaurlaritza ditu. Xedea 2018ko udazkenean Euskal Herriko txoko guztietan herritarren hizkuntza ohiturak aldatzeko praktikak egitea da.

ARGIA @argia
2017ko azaroaren 23a
Azaroaren 23an egin dute ekimenaren aurkezpena, Bilbon. Argazkia: Euskaraldia ekimena.

Euskaraldia izeneko egitasmoak Donostiako Egia auzoan du abiaburua. 2016ko otsailean “Egian euskaraz bizi nahi dugulako” ekimena egin zuten eta hizkuntza ohiturak aldatzeko hainbat egunez eta 24 orduz euskaraz egiten saiatu ziren egiatarrak. Orduz geroztik 20 herri eta eskualdetan egin dira antzeko ekimenak Euskal Herrian.

Euskaraldia ekimenak bi atal izango ditu. Batetik, 2018ko azaroaren 23tik abenduaren 3ra arte, Euskararen Egunera arte alegia, hamaika egunez, euskal hiztunen hizkuntza ohituretan eragitea izango da helburua eta euskaraz dakiten eta euskara ulertzen duten 16 urtetik gorako edonork parte hartu ahal izango du. Bigarren helburua 2019ari begira jarri dute. 2018an ardura herritarrena eta elkarteena izango da, eta 2019an berriz, mota guztietako entitateek euskararen erabilera babesteko eta bultzatzeko neurriak hartuko dituzte.

Euskaraldia ekimenaren sustatzaileak ondokoak dira: AEK, Arabako Foru Aldundia, Artez Euskara Zerbitzua, Bai Euskarari Elkartea, Berria taldea, Bizkaiko Foru Aldundia, EHU, Elhuyar, Elkar Fundazioa, Emun, Eudel, Euskaltzaleen Topagunea, Euskararen Erakunde Publikoa, Eusko Ikaskuntza, Eusko Jaurlaritza-Hizkuntza Politikarako Sailburuordetza, Gipuzkoako Foru Aldundia, Herri Elkargoa, Hizkuntz Eskubideen Behatokia, Ikastolen Elkartea, Irrien Lagunak, Kontseilua, Nafarroako Gobernua-Euskarabidea, Soziolinguistika Klusterra, Tokikom, UEMA eta UEU.

Estibaliz Alkorta Hizkuntza Politikarako Euskara Sustatzeko zuzendariari Euskaraldia ekimenaz galdetu genion urriaren 1eko Argian.

2016ko otsailean Egia auzoan hasitako bidetik hona arteko esperientziak Egia eredua kanalean aurkituko dituzu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Egia eredua kanaletik interesatuko zaizu...
Nerea Redondo, euskaraz bizi den egiatarra
"Edonork ez dauka gaitasunik edo baliabiderik hizkuntza-gatazka bati aurre egiteko"

Nerea Redondo eta bere ahizparen asmoa triatloia probatzea zen. Hala gerturatu ziren ekainaren 23an Donostiako X. Emakumezkoen Triatloira. Epailearen hitzek harri eta zur utzi zituen: “Por mis cojones que vais a hablar en castellano”. Alegia, bi ahizpen artean euskaraz egitea debekatu ziela. Esaldi horretaz harago luzatu zen hizkuntza eskubide urraketa salatu zuten ahizpek orduan. Orain patxadaz hitz egin dugu Nerea Redondorekin gertaera hartaz, Euskaraldiaren hazia izan zen Egia... [+]


Ekimen aitzindaria
Hernaniarrek urte osoz eutsiko diote euskarari

Lehenengo ehun erronkalariak otsailaren 3an hasiko dira. Gaztelaniaz dituzten harremanak euskarara ekartzen saiatuko dira. Hilero ehun pertsona gehitzea da helburua. Hala, 2018an 1.100 hernaniarrek hartuko dute parte aurrekaririk ez duen erronkan.


2018-01-24 | Joseba Alvarez
Euskaraldia, hegemoniaren bila

Euskaraldia, EAEko instituzio nagusi guztietan PSErekin gobernatzen duen PNVk Topagunearekin izenpeturiko akordio estrategikoa da, ez nik hala esaten dudako, beraiek publikoki 2017ko Udaltopean horrela aurkeztu eta definitu zutelako baizik. Eta Euskaraldia da PNVk, bere bailitzan, Gasteizko Legebiltzarrean euskalgintzaren ordezkaririk gabe aurkeztu zuen egitasmoa. Ekitaldi hartan ez zuen euskalgintzako inork parte hartu, ez Topaguneko eta ezta gainerako euskalgintzak ere. Baina zergatik egin du... [+]


Lujanbiok eta Agirretxek Radio Euskadin euskaraz egingo balute, zer?

Guk dakigula ez dute halakorik egin, baina Alberto Irazu kazetariak euskaraz egin du elkarrizketa zuzenean Radio Euskadin, ia 20 minutuko esperimentua.


2017-12-06 | Urumeako Kronika
Hamaika egun ez, urte osoa hartu dute hernaniarrek euskaraz egiteko

Hernaniarrek errodajea dute, eta 2018ari begira pentsatu dute ez direla udazkeneko hotzen zain egongo. Urte osoan saiatuko dira 24 orduz euskaraz egiten. Euskara Ari Du elkartea sortu berri dute horretarako.


Eneko Gorri
"Lapurdi kostaldean hirigintza ereduak hizkuntza politikak baino askoz eragin handiagoa du"

Eneko Gorri (Angelu, 1983) euskaltzale militante izateaz gain Biarrizko Herriko Etxeko euskara teknikaria da. Lapurdi kostaldeko hirigintza ereduak euskal hiztunen bilakabidean duen eragin handiaz ohartarazi nahi izan gaitu: “Biarritzek hamarrez biderkatuko balu ere euskarari ematen dion aurrekontua ez luke eragin handia izango hemendik 50 edo 100 urtera”. Jendarte ereduak eredu, euskaltzale-izokinak ur xaloagoetara iritsiko direla sinesten du.


Aurten badakigu zer egin Euskararen Nazioarteko Egunean

Aurten gehiegi pentsatu beharrik ez dago, zer egingo dugu bertso saioa, ginkana, txokolate jana, mosaikoa, lipduba? Horiek ere egingo dira, baina herri dezentetako herritarrek eta euskalgintzak motorrak berotuta dituzte. Kalera aterako dira egun osoz euskaraz egiteko asmoz.


Derioztarrek 70 establezimenduren atxikimendua lortu dute euskaraz egiteko

Establezimenduen zerrenda egin dute euskaraz aritzeko duten gaitasunaren arabera. Udazkenean, beste herri askotan bezala, derioztarrak “ahobizi” eta “belarriprest” bilakatuko dira.


Oarsoarrak Komunitatea giroa berotzen ari da 2018ko "Euskarak 365 egun" ekimenerako

Errenteria, Oiartzun, Pasaia eta Lezon 110 lagunek konpromisoak hartu dituzte euskara erabiltzeko.


2017-10-16 | Miren Osa Galdona
Zazpi egunez euskaraz bizitzeko ekimena jarriko dute martxan Baionan, Angelun eta Miarritzen

Baiona, Angelu eta Miarritze artean egingo dute ekimena, azaroaren 27tik abenduaren 3ra bitartean. 450 hiztun mobilizatu nahi ditu BAM ekimenak. Antolatzaileek euskaraz “naturaltasunez eta alaitasunez” aritzeko deia egin dute.


Azkenak
EGILEA
Eguneraketa berriak daude