Lehen aldiz Udal Gobernuko kide baten eskutik jaso du hiriko bandera Irungo alarde parekideak
Miren Etxebeste Ahal Dugu-ko Irungo Udaleko Berdintasun zinegotziak eman die alarde parekidekoei bandera. Haatik, Irungo alkate Jose Antonio Santanok ez die harrera egin, emakumeak baztertzen dituen desfileari bakarrik bideratuz arreta.
PP izan ezik, talde politiko guztietako ordezkariak egon dira Irungo herriko-etxeko balkoian alardeei harrera egiten. Karia horretara, Irungo alkate Jose Antonio Santanok ez die harrera egin nahi ukan alarde parekidekoei. Hala ere, aurtengoan egon da aurrerapauso bat: lehen aldiz udal gobernuko kide batek eman die hiriko bandera, Miren Etxebeste Berdintasun ordezkariak:
? Por primera vez en la historia de Irun la delegada de Igualdad entrega la bandera de la ciudad al Alarde público e igualitario.
Aurrera @EchevesteMiren!
Emakumeak alardean! pic.twitter.com/mcfcHwVtl0
— Podemos/Ahal Dugu (@PodemosEuskadi_) June 30, 2022
Emakundeko Izaskun Landaidaren arabera ez da aski, eta harrera sinbolikoak alde batera utzita, Alarde Publikoa antolatzeko urratsak ematea eskatu dio Irungo alkateari, Antxeta Irratiko Koldo Nausiak jakitera eman duenez.
Berdintasun zinegotzia eta Ahal Dugu-koa da Etxebeste. 2020tik koalizioan agintzen dute Irunen PSEk eta Ahal Duguk. Alardeari dagokionez, desadostasuna daukate udalean: PSEko ordezkariek alarde baztertzailea babestu izan dute EAJrekin batera, eta EH Bildu zein Ahal Dugu-koek alarde parekidea.
"Milesker bidea ireki zenigutenoi, alarde feminista eta bakarra" aldarrikapena daraman pankarta ikusi zitekeen Urdanibia-Mosku plazan, 1996an borroka hori abiatu zutenak gogoan. Hain justu aurten bete dira 25 urte emakumeek lehen aldiz Irungo alardean desfilatu zutela, lehen saiakera horretatik urtebetera.
Alderdi politiko guztietako ordezkariek egin diote harrera Alarde Publikoari.
Antxon Jauregik 19 urte ditu eta kantinera izango da Irungo alarde parekidean. Maskulinitate eredu hegemonikoari aurre egin eta hainbat muga mental eta sozial apurtuko ditu Jauregik, genero rol markatua duen kantineraren paperean. “Nire ametsa izan da betidanik, baina ez... [+]
Halaxe dirudi bukatu ez den eztabaidak. Zuri-beltzekoa. 1997ko ekainaren 30eko argazkia bezalaxe. Ordurako ondo sartua zegoen kolorea analogikoan, ez horrenbeste zenbait burutan. Efemeride honekin egin dut topo egutegian, urteurren borobila aurtengoa Irunen, eta aztarka hasi... [+]
Zigarro mentolatuak, Dire Straits taldea eta “dabuten” esaten zuen jendea iraganeko kontuak dira. Inork aldarrikatzen ez duen iragan batekoak. Bazkari familiar batean zure osaba inoiz martxosoak ekarriko ditu gogora eta horri esker jakingo duzu existitu zirela. Are,... [+]