Alex Salmond Eskoziako lehen ministroak esan bezala,  hamasei urtetik gorakoek izango dute parte hartzeko eskubidea. Legea gehiengo osoz onartu zuten aldeko 103 botorekin, SNP, Alderdi Laboristak, liberal demokratek eta berdeek aldeko bozka eman zioten legeari. Aurka agertu zen bakarra, Alderdi Kontserbadorea izan zen.

Lehen ministro ordea den Nicola Sturgeonen esanetan, “oso garrantzitsua” da gazteen botoa, beraiek baitira herrialdearen etorkizunaren inguruan interes gehien dutenak. Annabel Goldie buruzagi kontserbadorearen esanetan ordea, hamasei urtekoak gazteegiak dira horrelako erreferendum batean parte hartzeko.

Inkesten arabera, gazteen artean independentziaren aldeko posizioa handiagoa da jende helduagoaren artean baino.

Erreferenduma 2014ko Irailaren 18an izango da. Galdera ondorengoa izango da Eskoziak herrialde independentea izan behar luke? (should Scotland be an independent country?).