ARGIA.eus

2020ko urriaren 31

Legebiltzarrak Hondarribiko Udala ikertzeko eskatu dio kontu epaitegiari

  • Udalaren aurreko bi legealdiak, Hondarribia Lantzen sozietate publikoa, eta Udalak Montai taldearekin egindako kontratuak auditatzeko eskatu du Legebiltzarreko Ogasun batzordeak.

Abotsanitz
2020ko urtarrilaren 02a
Albiste hau Abotsanitzek argitaratu du eta lizentziari esker ekarri dugu.

Eusko Legebiltzarreko Ogasun eta Aurrekontu Batzordeak Hondarribiko Udala auditatzeko eskatu dio Herri Kontuen Euskal Epaitegiari. Hilaren 19an egin zuen, 2020ko ekitaldirako lan programari buruzko lehentasunak zehazteko bilkuran.

Lehentasunen zerrendan Hondarribia da gehien azaltzen den EAEko herria. Hain zuzen ere, zortzi aldiz, aipatzen da. Honakoak ikertzeko eskatu zaizkio Herri Kontuen Euskal Epaitegiari: Hondarribiko Udalaren jarduera, Hondarribiko Udalaren 2011-2015 eta 2015-2019 ekitaldiak, Hondarribia Lantzen sozietate publikoaren jarduera 2016-2019 epean, eta 2015 eta 2019 artean Hondarribiko Udalak Montai enpresa taldeko enpresekin egindako kontratuak (Montai Produkzioak, Estali, Karpak eta Estrukturak, Kultur Kirol Zerbitzuak, eta Denok Zuzeneko Komunikazioa).

Legebiltzarrak egindako eskaerak Abotsanitz Udal Taldeak hainbatetan eginiko salaketak berresten ditu. Hilaren 11n prentsaurrekoa eskaini zuen Abotsanitzek, Hondarribiko udal gobernuaren urteetako kontratazio irregularrak eta kontratazio horien onuradun nagusia den Montai taldearen mehatxuak salatzeko. Argi dugu Legebiltzarraren eskaera Hondarribiko EAJren kudeaketa ekonomiko ezegokiaren ondorio dela.

Albiste hau Abotsanitzek argitaratu du eta lizentziari esker ekarri dugu.
Kanal hauetan artxibatua: Hondarribia  |  Ekonomia  |  Eusko Legebiltzarra

Hondarribia kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude