Laugarren pertsona bat espetxeratu dute Orkoiengo talde-sexu erasoan parte hartzeagatik
Froga berriak aurkitzeak behin-behineko askatasuna baliogabetzera eraman du epailea.
Iruñeko Instrukzioko 1 zenbakiko Epaitegiko titularrak Foruzaingoak atxilotutako laugarren gizonezko bat behin-behinean eta fidantzarik gabe espetxeratzeko agindua eman zuen atzo, iragan abenduan Orkoienen emakume bati ustez sexu-erasoa egiteagatik. Auzipetuak internet bidez geratu ziren biktimarekin, eta harekin sexu harremanak izan zituzten haren baimenik gabe.
Atzo espetxeratutako gizona behin-behineko askatasunean zegoen urtarrilaren 4az geroztik, baina hura inkriminatzen duten froga berriak aurkitu izanak berriro deklarazioa hartzera eraman zuen atzo epailea. Fiskaltzak eta salatzaileak egindako akusazio partikularrak eskatuta, epaileak espetxeratzeko agindua eman zuen atzo, jadanik bertan zeuden beste hiru gizonekin batera.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]