Lau langileren kaleratzearekin hasi du plantilla murrizteko plana Aernnovak
Lau langile kaleratu ditu Aernnovak, plantilla murrizteko planari hasiera emanez. Langileek lanpostu asko suntsituko direla ziurtatu dute. Nazioarteko plantilla %20 murrizteko asmoa du Arennovak.
Ingeniari lantaldeko lau behargin kaleratu zituen Aernnovak iragan ostiralean, plantilla murrizteko planari hasiera emanez. Kaleratze disziplinarioen formula ari da aplikatzen enpresa, langileak kalte-ordainik gabe utziz. Kaleratzeen kontra egindako azken mobilizaziotik 24 ordu igaro ez direnean jaso dute albistea beharginek.
Taldeak dituen beste planta batzuetan ere antzeko kaleratzeak gertatzen hasi dira. Zuzendaritzek aeronautika sektoreak bizi dituen galerekin eta produkzio baxuarekin justifikatu nahi izan ditu kaleratzeak. Sindikatuek, kontrara, egoera "koiunturala dela eta ez estrukturala" defendatu dute.
Lehenengo lau kaleratze hauen ostean, askoz gehiago etorriko direla ziurtatu dute Arabako fabrikako langileek. Hurrengo ordu eta egunetan izango dute kaleratzeen inguruko informazio zehatzagoa, lanpostu asko eta asko galduko direla ziurtatu dute.
Uztailean iragarri zuen Aernovak nazioarteko plantilla %20 murrizteko asmoa, taldeak dituen lantegi guztietako 950 behargin kaleratuz. Aernovak 450 langile ditu Berantevillako fabrikan.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Etxebizitza-eskubidea urratu eta espekulazioan aritzeagatik ezaguna da Azora putre funtsa, bereziki Donostian; bere aurkako plataforma sortua dago: Azoraren Maizterrak.
Etxerik ez dutenentzat gero eta zerbitzu gehiago ixten ari diren bitartean, kalean lo egiteko espazioetatik ere botatzen dituztela salatu du Etxebizitza Sindikatuak. Gasteizko kontserbatorioko zuzendariak eskatuta, hesiak jarri dituzte eraikineko arkupeetan, “txiroak euren... [+]
70 urteko alargun donostiarrak 689 euroko pentsioa du eta alokairuko bost kuota zor dituelako etxetik kaleratzeko demanda jarria dio Coral Homes funts putreak. Salaketak eta gizarte mobilizazioak fruituak eman dituela azaldu dute aktibistek: “Funts putreak email bidez... [+]
Koldo Arribillaga gasteiztarra etxetik kaleratu zuten 2019an. Bizileku duinik ez zuela eta ebakuntza-ostekoa pasatzeko baldintza egokiak ez zituela argudiatuta, bihotzeko balbula aldatzeko ebakuntza ukatu zion Osakidetzak, 2020an. Orain, 55 urterekin, bihotzekoak emanda hil da.