Lanorduak gutxitzearen alde
Soldatak murriztu gabe lanordu edota lanegun gutxiago eskatzen duten ahotsak ugariak dira, lan kalitatea, kontziliazioa, ingurumena, osasuna eta bideragarritasun ekonomikoa bera hizpide hartuz, besteak beste. 30 orduko lan astea eta 1.400 euroko gutxieneko soldata proposatu du LAB sindikatuak. Frantziako Estatuan 35 orduko lan-astea da ohikoena, Espainiakoan 40 ordukoa.
El Saltoko artikulu luze honetan heldu diote gaiari eta Islandiako proba pilotua jarri dute abiapuntu: gehienez 35 ordu, lau egunetan. Lau urtez egin du proba, sektore ugaritan lanean ari diren herritarren %1arekin, eta positiboa izan da emaitza. Produktibitatea hazi da, langileak motibatuago daude euren lanpostuetan eta langabeziak behera egin du. Adibide gehiago ere aurki daitezke, hainbat enpresa pribatu eta ekimenek egin baitute bat filosofia horrekin.
Sakonean, ikusi da lan gehiago eginez produktibitatea handitu eta soldatak igoko zirela pentsatzea ez dela erreala. Soldatak ez dira handitu eta etekinek esku gutxitan jarraitzen dute; zerga sistemak ere ez du diru banaketa desorekatua konpontzen.
Bi alternatiba baino ez daudela dio Jon Bernat Zubiri EHUko Ekonomia irakasleak, El Salton: edo soldatak handitzea, edo lanorduak gutxitzea soldatak mantenduz. “Azken aukera hori askoz hobea da”. Soldatak mantentzea nabarmentzen du, bestela ekonomikoki erosoen bizi direnek baino ezingo luketelako ordu gutxiago egin.
Zergatik lanordu gutxiago? Aldeko adituek ematen dituzten argudioak ugariak dira. Lanpostuak sortuko lituzke, produktibitatea handitzen dela diote, lan kalitatea hobetzen dela (eta motibazioa), absentismoa gutxitzen dela (denbora gehiago dagoelako lanetik kanpoko zereginetarako), lan istripuen kopurua ere txikitzen dela, osasunari mesede egiten diola, ingurumenaren eta ekologiaren ikuspegitik ezinbestekoa dela lantegien aktibitate orduak murriztea... Horrez gain, zaintzarekin kontziliatzeko lanaldi murriztua hartu ohi dute emakumeek, eta desoreka horri aurre egiteko (eta zaintza ardurak partekatzeko) aukera ona da gizonek lanordu gutxiago egitea.
Bernat Zubirik El Saltoko artikuluan dioenez, eredu honek funtzionatzeko gakoa zerga sisteman dago eta lanorduen gutxitzeak eragindako kosteei enpresa guztien artean egingo liekete aurre, kuota moduko baten bidez, esaterako.
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Euskadi markak, eraikuntza sektoreko ekonomiaren estrategian, “industrializazioa” mantrarako hitz gisa hartu duela jakinarazi berri du Eusko Jaurlaritzak. Etxebizitza publikoaren eraikuntzan industrializaturiko prozesu eta elementuak lan guztien %65a izatea... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Bridgestone Japoniako pneumatikoen multinazionalak kaleratu nahi dituen langileek elkarretaratzea egin dute astelehen eguerdian Japoniak Madrilen duen enbaxadaren aurrean. Horrez gain, langile batzordeko hainbat kide Yolanda Díaz Espainiako Gobernuko Lan ministroarekin ere... [+]
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Moldaketari buruzko gure liburuan azaldu genuenez, aurreko mendeko 80ko hamarkadaren amaieratik Europako gastu militarrak behera egin zuela ikusirik, XXI. mendearen hasieran Europako heriotzaren merkatariek antolatzea erabaki zuten, eta eredu estatubatuarra imitatuz lobby moduan... [+]