30 orduko lan astea,1.400 euroko gutxieneko soldata eta erretiroa 60 urterekin hartzea proposatu ditu LABek
Lan Kode eta Gizarte Segurantzaren Lege berriak ezartzeko bi lege-proposamen aurkeztu ditu Gasteizko Legebiltzarrean LAB sindikatuak, baina Euskal Herri osora zabalduko du proposamena. Alderdi politikoak interpelatu ditu enpleguaren egungo markoa eta logika eraldatzeko.
Ostegunean erregistratu ditu LABek bi lege-proposamenak legebiltzarrean, eta agerraldia egin du beren edukiak azaltzeko. Lan Kodean jasotzen diren neurriak “ Enplegua, zaintza eta aberastasuna banatzeko proposamenak” direla azaldu du Garbiñe Biurrun idazkari nagusiak. Lan “guztiak” aintzat hartzeko eskatu du, “zaintzakoak barne”. Gizarte Segurantzaren legean pentsio eta gizarte babes “duinak” bermatuko lituzketen proposamenak egin ditu sindikatuak. Proposamena Euskal Herri osoarentzako dela eta Nafarroan eta Ipar Euskal Herrian ere gizarteratuko dituela iragarri du.
Legebiltzarreko alderdi politikoak interpelatu ditu Biurrunek agerraldian, hiru norabideetan eragin dezatela eskatuz: batetik, Espainiako Gobernuari presio egin diezaiotela lan eta pentsio erreformak indargabetu ditzan; bestetik, enplegu arloan eta politika sozialetan erabakitzeko gaitasuna eskuratzeko estatus juridiko eta politiko berrien alde egin dezatela; azkenik, gaurdanik “langileen bizi baldintzak hobetzeko” neurriak hartu ditzatela.
Neurriak gaurdanik
Neurri zehatzak ere mahaigaineratu ditu sindikatuak. Alderdiei eskatu die patronalari eska diezaiola Lanbide arteko Itun berria adostea, besteak beste 1.400 euroko gutxieneko soldata eta 30 orduko lan astea ezarriz. 1.080 euroko gutxieneko pentsioak eta erretiroa 60 urterekin hartzea ere proposatu du, eta bazterkeria ekiditeko, Pobreziaren eta gizarte-bazterkeriaren aurkako Herri Ekimen Legegileak jaso zituen neurriak indarrean jartzea. Erreforma fiskal baten beharra ere azpimarratu du, “ Kapital-errentak eta enpresa-irabaziak gehiago zergapetzeko”.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]