Langileen soldatak 340 euro igoko dira 2025erako, bi urteko borrokaren ostean
5.000 langile baino gehiagori eragiten dien hitzarmen berria da, ia bi urte eta 68 greba egun iraun duen lan gatazkaren emaitza. ELA sindikatuak astearte eguerdian sinatu du aurreakordioa patronalarekin.
Bost mila langile, gehienak emakumeak dira Bizkaiko adinekoen egoitzetan. Bi urteko borroka izan dela nabarmendu du ELA sindikatuak, eta ia 68 greba egun egin dituzte bitarte horretan. ELA sindikatuak sinatu du hitzarmen berria –berak du ordezkaritzaren %64–.
Besteak beste, urtez urte, KPI gaindiko portzentajeak adostuta, 2025erako soldatak %23 inguru igoko dira. Urte horretarako, gerokultore baten soldata hileko 1.460 eurokoa izatetik, 1.800 eurora pasatuko da. Horrez gain, igandeetako plusen igoerak adostu dituzte eta antzinatasunaren gehigarria handiagoa izatea ere bai.
Historikoki aldarrikatu dute lan ordezkapenak lehenengo egunetik hastea, lankideak ez kaltetzeko; hori ere sinatu dute.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]