Labak terraza jartzeko baimena lortu du
Bide "malkartsu eta luzea" izan da, baina, baimena ematen dien erresoluzioa jaso dute. Hala ere, Windsorreko kideek haien terrazari eutsi eta kentzeari uko egin diote.
"Berri on batekin gatozkizue: azkenean, Laba sareak terraza paratzeko baimena lortu du", hala aitortu du Labak gaur bertan argitaratutako oharrean. Izan ere, abuztuaren 1ean Toki Administrazio eta Despopulazio Zuzendari Orokorrak 283/2023 erresoluzioa sinatu zuen eta bertan, Nafarroako Administrazio Auzitegiak 2022ko urrian hartutako erabakia modu subsidiarioan betearazteko adierazten du. 2022ko urtarrilaren 14an Iruñeko Udalean aurkeztutako proiektua ontzat hartuz, "Laba Elkarteari terraza izateko baimena aitortzen diote bere jarduera aurrera eraman dezan".
Aurrekaririk gabekoa izan da eta maiatzean oraindik ere ez zekiten noiz izanen zuten terraza paratzeko aukera. Oraingoan, ez dakite noiz izango duten irekitzeko aukera, baina "behingoz" terraza zabalduko dute. Atzo bertan terrazaren eremua erabiltzen duen ostatuari jakinarazi zioten mahaiak eta terraza jartzeko tasak ordaindu bezain pronto haien mahaiak eta aulkiak jartzeko aukera izango dutela jakinarazi zieten jasotako erresoluzioan Iruñeko Udalari, Laba elkarteari, La Perla hotelari eta Windsor ostatuari.
Jakinarazpena, berriz, Windsorreko kideek ez dute onartu eta gaur goizean ez dituzte Labaren terraza eremutik haien mahaiak eta aulkiak kendu. Horrek afera luzatu dezakeela aitortu du Labak, baina berretsi dute terraza izateko eskubidea dutela eta terraza izango dutela berandu baino lehen, "euskaldun guztiei beste eremu bat eskaintzeko".
Urte eta erdiko "tramite hutsa"
Laba sareko kideak "oso kontent" agertu diren arren, "zoritxarrez urte eta erdi baino gehiago luzatu da afera hau Iruñeko Udalaren erabaki arbitrario batengatik". Nafarroako Arartekoari eta Nafarroako Administrazio Auzitegiari Udalak "entzungor" egin diola salatu dute eta prozesu judiziala ahalik eta gehien luzatzen saiatu direla, azaldu dute.
"2022ko urtarrilean ateak ireki genituenean tramite hutsa izanen zela pentsatu genuen", baina ez da hala izan. "Bide malkartsu eta oso luzea izan da azkenean" eta horrek oztopak jarri dizkien zenbait mailatan. Alde batetik erakusleioa den espazio bat ukatu zaielako eta bestetik, "proiektuan inbertitu nahi genuen denbora eta energia auzi honetara bideratzera behartu gaituelako". "Bazen garaia!" ospatu dute Labako kideek, nahiz eta oraindik ere lana egiteko dutela adierazi dute. "Orain arte egin dugun moduan, lanean jarraituko dugu euskaldun orori euskaraz bizitzeko leku goxo bat eskaintzeko, euskal kultur programazio ahalik eta txukunena emateko eta Laba sarearen irradiazioa hiri osoan barrena zabaltzeko", gehitu dute oharrean.
"Laba ezkutatu dute, baina inoiz baino gehiago ikusiko gaituzte orain", hedabideei bidalitako jakinarazpena probestu dute bazkide, langile, boluntario, sortzaile, oholtzatik pasa direnei eta kulturgile guztie eskerrak emateko. "Laba sare bat da; laba gu guziok gara. Laba gara".
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Herritar talde batek bainua hartzen zegoela gorpua aurkitu eta Polizia deitu zuen. Iruñera eraman dute gorpua autopsia egiteko, eta heriotzaren zergatia argitzeko. Gizonak 51 urte zituen.
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
.JPG)
7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]