Kurduen aurkako sarekada burutu du goiz honetan Frantziako poliziak
Hamar bat kurdu atxilotu ditu Frantziako Poliziak martxoaren 23 honetan Marseillan eta beste bat Parisen, rojinfo.com komunikabidearen arabera. Recep Tayyip Erdogan Turkiako presidentea eta Emmanuel Macron Frantziakoa elkartu ziren hilabete hastapenean, eta Atzerri Arazoetako ministroak berriro telefonoz martxoaren 18an. Elkarrizketa hauen eta goizeko atxiloketen artean lotura egin dute kurduek.
Kurduen aurkako sarekada burutu du goiz honetan Frantziako Poliziak, hauetariko hamar bat atxilotuz Marseillan eta beste bana Paris zein Draguignan herrian. Bortizki iragan dira atxiloketak eta Marseillan daukaten elkarte baten egoitza ere miatzen dabiltza une honetan.
Ondoko txio honetan agertzen da poliziek erabilitako bortizkeriaren heina:
La police #française a saccagé plusieurs appartements et une association appartenant aux #Kurdes à #Marseille, lors des perquisitions menées mardi matin. Au moins neuf personnes ont été arrêtées, selon un nouveau bilan. pic.twitter.com/i8nxwb4zwp
— Maxime Azadi (@MaximeAzadi) March 23, 2021
Erdogan eta Macron harremanetan
Rojinfo.com komunikabideak ohartarazi duenez, hilabete hastapenean elkartu ziren kurduen aurka errepresio bortitza daraman Recep Tayyip Erdogan Turkiako presidentea eta Frantziako presidente Emmanuel Macron. Martxoaren 18an berriro Atzerri Arazoetako ministroek – Jean-Yves Le Drian eta Mevlüt Cavusoglu– zuten bilera ukan, telefonoz. Elkarrizketa hauen eta goizeko atxiloketen artean lotura egin dute kurduek.
Kurdistanen ere beti bezain bortitza dute Erdoganek bideratu errepresioa. Horren adibide, martxoaren 17an Turkiako prokuradore batek ireki izana HDP Herrien Alderdi Demokratikoa ilegalizatzeko bidea.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]