Kubako hezkuntza munduarentzat eredu dela dio UNESCOk

  • UNESCO Hezkuntza, Zientzia eta Kulturarako Nazio Batuen Erakundeko kide Miguel Jorge Llivinak adierazi duenez, herrialde garatuekin alderatuta Hezkuntza Denontzat txostenaren helburuak aurrera ateratzeko Kubak lortu dituen adierazle altuengatik eredugarria da herrialdeko hezkuntza sistema.


2014ko otsailaren 17an - 00:00
Azken eguneraketa: 2015-02-26 13:37:33
BPGaren %12,9 inbertitzen du Kubak hezkuntzan.

Hezkuntza Denontzat egitasmoak hezkuntza sistemen kalitatea neurtzen du, baita Haur Hezkuntza, Lehen Hezkuntza, gazteak, helduen alfabetizazioa eta sexuen arteko parekidetasuna, besteak beste.

Egun, 77.000 pedagogok egiten du lan Kuban eta 261.000 lagun daude 104 karreratan matrikulatuta.

Llivinak gogoratu duenez, analfabetismoari aurre egiteko lanean ari dira sektoreko profesional kubatar ugari, hala nola gurasoei zuzendutako Educa a tu hijo (Zure seme-alaba hezi) eta Yo sí Puedo (Nik ahal dut) proiektuen bidez. Eskolatu gabeko helduentzat hiru mailako egitura du Kubako Hezkuntza Sistema Nazionalak: oinarrizkoa, bigarren hezkuntza eta fakultatea.

Inbertsio handia

Iazko datuen arabera, hezkuntzan gehien inbertitzen duten herrialdeen aurretik dago Kuba, proportzioan. Zehazki, Barne Produktu Gordinaren %12,9 bideratzen du hezkuntza sistemara, "hezkuntza politikak garatzeko eta hezkuntza denentzat doakoa izan dadila bermatzeko", azaldu zuen Rodolfo Alarcón Goi Mailako Hezkuntza ministroak. "Muga ekonomiko eta teknologiko handiak izan arren, frogatu da asko egin daitekeela hezkuntza Gobernuaren eta Estatuaren lehentasuna denean", gaineratu zuen.

Munduan hezkuntzan gehien ibertitzen duten herrialdeen artean daude Islandia (%7,8), Suedia (7,3), Norvegia (7,3), Zeelanda Berria (7,2) eta Finlandia (6,8).


Kanal honetatik interesatuko zaizu: Hezkuntza
EHUko talde bat elkarlanean dabil genozidioarekin lotutako institutu israeldar batekin

Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]


Ezinari ekin ezinik

Hautsak harrotu zituen eta egunkarietako orri asko bete ere bai, luze eta luzaroan, Euskal Autonomia Erkidegoko Hezkuntza Legea berritzeko prozesuak. Joan den abenduan onartu zen legeak hezkuntza komunitateko partaide askoren haserrea piztu zuen, eta erresumina eragin zuen... [+]


Mugikorrik gabeko nerabezaroaren alde 3.000 familia konprometitu dira jada Nafarroan

Telefono mugikorra edukitzeko adina atzeratze aldera, indarrak batu eta dagoeneko 3.000 familiaren babesa duen elkartea sortu dute Nafarroan: Mugikorrik Gabeko Nerabezaroa. 50 establezimenduk aukera emango diete gazteei, behar dutenean bertako telefono finkotik deiak egiteko... [+]


Eguneraketa berriak daude