ARGIA.eus

2021eko apirilaren 23a

Kote Cabezudoren bostgarren epaiketa atzeratu dute

  • Gaur zen egitekoa Kote Cabezudo argazkilari donostiarraren aurkako bosgarren epaiketa, baina atzeratu egin dute, defentsak kausaren inguruko dokumentu bat eskatu duelako. Epaiketa honetan ustez argazkilariak eskaera judizial bati muzin egiteagatik epaituko dute, adingabeko baten irudiak Youtubetik kentzea behartu baitzuen epaitegi batek, eta argazkilariak ez zuen agindua bete. Urte bateko kartzela zigorra eskatzen dute akusazio partikularrak eta Gipuzkoako Fiskaltzak ustezko delitu honengatik.

Irutxuloko Hitza @irutxulo  |  Iņaut Gonzalez de Matauko Rada @inautogdm
2021eko martxoaren 03a
Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.
Elkarretaratzea, Kote Cabezudoren aurkako epaiketa batean. (Argazkia: Iņaki Agirre / Irutxuloko Hitza)
Gainontzeko epaiketak

Kote Cabezudo Donostiako argazkilaria ustez 47 delitu egiteagatik dago ikertuta. Orain arte lau epaiketa izan ditu, otsailaren 17koa azkena: haren aurkako ikerketa judizial bat oztopatzen saiatu izanagatik zigortu zuen Donostiako Epaitegiak, eta 425 euroko isuna ezarri zion.

2013an abiatu zen Kote Cabezudoren aurkako lehenengo auzia: lehenengo epaiketan, bi urte eta hiru hilabeteko kartzela zigorra ezarri zioten donostiarrari –2018ko maiatzaren 4tik dago Martuteneko kartzelan, behin-behineko espetxealdian–, salaketa jarri zuen biktimetako bat biluzik ageri zen bere argazki bat sareetan argitaratzearekin mehatxatzeagatik. Bigarrenean, bost hilabeteko espetxe zigorra ezarri zioten, justiziari kontratu faltsuak entregatu izanagatik, harentzako lan egin zuen adin txikiko modelo batek 18 urte baino gehiago zituela justifikatzeko. Zigor horren aurkako errekurtsoa aurkeztu zuen Cabezudok, eta oraindik ez da behin betiko epaia atera. Urtarrilean, hirugarrenez epaitu zuten argazkilaria, sare sozialetan neska gazte baten “argazki erotiko bat” argitaratzeagatik, justiziak irudi hori borratzeko agindu ondoren. Martxoan eta apirilean beste bi aldiz epaituko dute, ustez justiziaren beste bi agindu ez betetzeagatik.

Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.
Kanal hauetan artxibatua: Indarkeria matxista  |  Donostia

Indarkeria matxista kanaletik interesatuko zaizu...

Azkenak EGILEAK
Argia buletina
Egunaren laburpena
zure e-postan
Eguneraketa berriak daude