Currilinguaren lehenbiziko edizioa ospatu da igandean Korsikan. Antolatzaileek Korrika izan dute eredu.
Goizeko 07:00etan hasi dira estreinako korrikalariak hankak astintzen Borgun, Bastiatik hurbil. Korsikako ekialdea iparretik hegoaldera zeharkatu dute, 90 kilometroan zehar, iluntzean Sulinzarako portuan amaitzeko. Euskal Herriko Korrika izan dute eredu antolatzaileek –Parle Corsu elkartea eta Bastiako Atletismo Kluba–. Kilometroz kilometro lekukoa pasa diote elkarri elkarte eta instituzioetako ordezkariak. Kilometro bakoitzaren salmentarekin jasotako dirua korsikera sustatzeko erabiliko dute. Korrika hasi aurretik jada helburuetako bat beteta zeukaten, kilometro guztiak salduak baitzituzten
Lehenbiziko edizioa izanik zuhur jokatu dute. Egun bakarreko Currilingua prestatu dute, eta pertsona guztiei parte hartzea izan dute lehentasun. Ekimena errepikatu eta indartu nahi dute antolatzaileek hurrengo urteetan, egun gehiago hartuz eta irla osoan korrika eginez.
Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]
Carolina Gandulfo doktorea. Argentinan jaioa, Ipar-ekialdeko Unibertsitate Nazionaleko Humanitate Fakultateko irakaslea. Iragan udazkenean Garabidek gonbidaturik egonaldia egin zuen gure artean, eta mintzatu zitzaigun Argentinako guaranieraz. Ikastetxe bateko esperientzia... [+]
Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]