Korrikaren sortzaileei omenaldia egingo diote 20. edizioan
2017. urtekoa 20. Korrika izango da eta AEK-k euskararen aldeko ekimen arrakastatsua abiatu zutenak omenduko ditu jai giroan.
Otsailaren 11n izango da urtemuga jaia eta omenaldia Irungo Ficoba azokan. Antolatzaileek esan dutenez, Korrikaren ideia eroa mahai baten inguruan egindako hainbat bileratan hasi zen gauzatzen eta otordu batean eman zitzaion behin betiko forma.
Zirkoa, antzerkia, bertsoa, bakarrizketak, dantza eta sorpresaz betetako otordua agindu dute Korrikaren antolatzaileek. Gonbidatu zerrenda luzea da: Txaranga Pasai, Reyes Prados, Eñaut Gantxegi, Nerea Arriola, Gorka Zubeldia, Alaia Martin, Onintza Enbeita, Sara Cozar, Artzen Letona, Peru Iparragirre, Kike Amonarriz, Amaia Irurtia, Elene Sorozabal eta abar.
Duela egun gutxi “Euskararen lau aurpegi” dokumentalaren aurrestreinaldia egin zuten Bilbon eta otsailaren 9an Korrika kulturala abiatu zen Gasteizen Kepa Junkerak eta Sorginek emandako kontzertuarekin.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.