ARGIA.eus

2022ko urtarrilaren 26a

Korrika: 22 edizioetako kanten bilduma

  • 40 urte igaro dira AEK-k lehenengo Korrika antolatu zuenetik. Lekukoak egindako ibilbideen, leloen, abestien eta omendutako pertsonen errepasoa jarraian.

ARGIA @argia
2021eko abenduaren 17a

22. Korrika (2022)

Hitzekin lelopean, Amurriotik abiatuko da eta Donostian amaitu.

Abestia - Hitzekin (Ane García, Anari, Nerea)

21. Korrika (2019)

Klika lelopean, Garestik abiatu zen Gasteizen amaituko zen edizioa. Mezua Maialen Lujanbiok idatzi zuen eta Txillardegi omendu zuten.

Abestia - Klika (Mad Muasel, Fermin Muguruza eta La Furia):

20. Korrika (2017)

Otxandion irten eta Iruñera joan zen, Bat(z)uk lelopean. Korrikaren sortzaileak omendu zituzten eta Joseba Sarrionandiak idatzi zuen lekukoko mezua.

Abestia - Zirkorrika (Xabier Zabala eta Uxue Alberdi):

19. Korrika (2015)

2015eko Korrikak Urepelen (Nafarroa Beherea) izan zuen hasiera eta Bilbon amaiera. Euskahaldun izan zen leloa eta Durangoko Azoka omendua.

Abestia - Denok korrikara (Oskorri):

18. Korrika (2013)

Eman euskara elkarri lelopean Andoaindik (Gipuzkoa) Baionarainoko ibilbidea egin zuen eta euskara ikasten ari zirenei eskaini zieten.

Abestia - Bagoaz (Esne Beltza):

17. Korrika (2011)

Trebiñutik (Araba) Donostiaraino joan zen eta Maitatu, ikasi, ari… Euskalakari leloa zabaldu zuen. Euskaltzaindia izan zen omendua.

Abestia - Pausoz pauso euskalakari (Gose):

16. Korrika (2009)

Ongi etorri euskaraz bizi nahi dugunon herrira leloa izan zuen eta Tuteratik (Nafarroa) Gasteizeraino joan zen. Euskara ikasi eta transmititu duten horiei eskaini zieten ordura arteko Korrikarik luzeena izan zena.

Abestia - Ongi etorri lagun (Betagarri):

15. Korrika (2007)

Hamabosgarren Korrikak Karrantzatik (Bizkaia) Iruñerainoko bidea egin zuen, Heldu hitzari!, Heldu lekukoari!, Heldu elkarlanari!, Heldu euskarari!, Heldu herriari! leloa zabalduz. Euskal emakumeak omendu zituzten, euskararen transmisioan egindako lanarengatik.

Abestia - Heldu (Niko Etxart eta El Drogas):

14. Korrika (2005)

Euskal Herria euskalduntzen, Ni ere bai! zioen leloak Orreagatik (Nafarroa) Bilborainoko bidea egin zuen. Euskalduntzeko hautua hartu zuten pertsonak omendu zituzten, baita Andolin Eguskitza euskaltzaina ere.

Abestia - Ni ere bai (Afrika Bibang):

13. Korrika (2003)

Maulen hasi eta Iruñean amaitu zen. AEKrekin herri bat geroa lantzen leloa aukeratu zuten eta Ez Dok Hamairu mugimendua omendu zuten. Korrika berezia izan zen, Euskaldunon Egunkariaren itxierak eragina izan zuelako eta Nafarroako Gobernuak Korrika Iruñean sartzea debekatu zuelako, nahiz eta azkenean debekua indargabetzea lortu zuten.

Abestia - Gero bat gaurdanik (Mikel Laboa eta Ruper Ordorika):

12. Korrika (2001)

Mundu bat euskarara bildu lelopean Gasteizetik Baionara joan zen. Euskal Herriko Bertsozale Elkartea omendu zuten.

Abestia - Big Beñat (Fermin Muguruza):

11. Korrika (1999)

Hamaikagarren Korrikak 1+1=hamaika. Zu eta ni euskaraz leloa izan zuen eta Iruñetik Donostiaraino joan zen. Hamaika omendu zituzten: Jose Angel Iribar, Joxe Ramon Etxebarria, Pedro Miguel Etxenike, Maitena Araguas, Argiñe Iturregi, Laudioko ikastolaren sortzaileak, Euskalerria Irratia, Etxepe enpresa, Arantza udalerria, Mendia optika eta Maiatz editoriala.

Abestia - 1 eta 1 (Joxe Ripiau):

10. Korrika (1997)

Hamargarren edizioan lehenengo Korrika gogora ekarri nahi izan zuten. Horretarako, ibilbide eta lelo berak aukeratu zituzten. Alegia, Oñatitik Bilborainoko bidea eta Euskal Herria korrika! leloa.

Abestia - Euskal Herria Korrika (Gozategi):

9. Korrika (1995)

Donibane Garazin hasi eta Gasteizen amaitu zen eta Jalgi hadi euskaraz leloa zabaldu zuen. Mikel Laboa izan zen urte hartako omendua.

Abestia - Bizi ganoraz (Maixa eta Ixiar, Alex Sardui eta Kepa Junkera):

8. Korrika (1993)

Iruñean abiatu eta Bilbora egin zuen bidea. Leloa Denok maite dugu gure herria euskaraz izan zen eta Martin Ugalde kazetari, historialari eta idazleari eskaini zioten.

Abestia - Aide Korrika (Tapia eta Leturia):

7. Korrika (1991)

Korrika euskara, Euskaraz Euskal Herria leloarekin ibili zen Gasteizetik Baionaraino. Remigio Mendiburu Korrikaren lekukoaren sortzailea omendu zuten.

Abestia (Irigoien Anaiak eta Mikel Erramuspe):

6. Korrika (1989)

Iruñea eta Donostia arteko ibilbidea egin zuen eta Euskara Korrika eta kitto izan zen aukeratutako leloa. Jose Migel Barandiaran antropologoa eta euskaltzalea omendu zuten.

Abestia - Gu AEK-koak gara (Xanti eta Maider):

5. Korrika (1987)

Hendaiatik (Lapurdi) Bilborainoko ibilbidea egin zuen, Euskara zeurea lelopean eta Balendin Enbeita bertsolari eta idazlea omendu zuten.

Abestia (Oskorri):

4. Korrika (1985)

Atharratzetik (Zuberoa) Iruñeraino joan zen Herri bat, hizkuntza bat leloa zabaltzen. Piarres Lafitte euskaltzaina izan zen omendua.

Abestia (Lontxo Aburuza):

3. Korrika (1983)

Baionan hasi eta Bilbon amaitu zen. Leloa Euskaraz eta kitto! izan zen eta Gabriel Aresti poetari eskaini zioten.

Abestia (Egan):

2. Korrika (1982)

Iruñetik Donostiara artekoa izan zen eta AEK, euskararen alternatiba herritarra; Korrika, herriaren erantzuna euskararen alde izan zen aukeratutako leloa. Rikardo Arregi omendu zuten, aurreko edizioko akatsa konpontzeko.

Abestia (Akelarre):

1. Korrika (1980)

Oñatin (Gipuzkoa) hasi zen eta Bilbon amaitu. Lehen Korrikaren leloa Korrika Euskal Herria! izan zen. Xabier Peña idazle eta irakaslea izan zen omendua. Rikardo Arregik idatzi zuen lekukoaren mezua, baina ez zen helmugara iritsi.

Abestia (Xabier Amuriza):

Kanal hauetan artxibatua: Korrika  |  Musika

Korrika kanaletik interesatuko zaizu...
2022-01-19 | Leire Artola Arin
Korrika herri bakoitzetik noiz pasatuko den ikusgai jarri du AEK-k

22. Korrika Amurrion hasiko da martxoaren 31n, 16:30ean, eta Donostian amaitu, apirilaren 10ean. Guztira 2.180 kilometroko ibilbidea egingo du lekukoak, mezu sekretuarekin. Aplikazio baten bidez uneoro Korrika non dagoen jakiteko aukera egongo da.


2021-11-17 | ARGIA
Hitzetik ekintzetara pasatzeko deia eginez dator 22. Korrika

Hitzekin goiburua Euskal Herrian barrena zabalduz, hitzetik ekintzerata igarotzeko deia egin nahi dute. Martxoaren 31tik apirilaren 10era egingo da Korrika, eta Amurriotik Donostiara joango da.


2021-06-30 | ARGIA
Korsikeraren aldeko lasterketa egingo dute uztailaren 4an

Parlemu Corsu elkarteak antolatu du Currilingua, korsikeraren aldeko lasterketa. Igande honetan, uztailaren 4an, egingo dute lehen aldiz, Borgu eta Sulinzara artean.


Bretoieraren aldeko 'Korrika' ostiral honetan abiatuko da Finistèretik

Bi urtez jarraian ez egitea “eutsiezina” zela iritzita, Ar Redadeg bretoieraren aldeko lasterketa kalera ateratzea erabaki dute, osasun neurri zorrotzak betez. Euskal Herriko Korrikan oinarritua, 2008an hasi zuten ekimena Bretainian.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude