Kontzientziazioa “handitu” dela ondorioztatu du Iruñeko LGTBIfobiaren Aurkako Behatokiak

  • Harrotu zerbitzuak Iruñeko Udaleko LGTBIfobiaren Aurkako Behatokiaren txostena argitaratu du: urtebetean 34 erasoren berri izan duela; iaz baino zortzi gehiago. Behatokiak ustetan du zerbitzua geroz eta ezagunagoa delako izan daitekeela.


2024ko otsailaren 23an - 13:21
Azken eguneraketa: 15:43
Harrotu zerbitzuaren irekiera eguna.

Iruñeko LGTBIfobiaren erradiografia bat egiteko eta beharretara egokitutako neurriak hartzeko jaio zen Iruñeko Udaleko LGTBIfobiaren Aurkako Behatokia 2021. urtean. Horretarako, Iruñean jasotako eraso LGTBIfoboaren erregistroa egin, eta txosten bat egin du Behatokiak. Txostenaren arabera 2022. urteko abuztutik 2023. urteko uztailera 34 jaso dituzte; iaz baino zortzi gehiago. 

Erregistratutako erasoak %30 igo badira ere, behatokiaren arabera horrek ez du esan nahi erasoen kopurua igo denik. Behatokiak dioenez, gaiarekiko sentsibilizazioa “handiagoa” delako eta zerbitzua “geroz eta ezagunagoa” delako izan daiteke igoera: “Indarkeria sinbolikoa %109 hazi denez; ondorioztatu daiteke herritarrak gero eta kontzientzia handiagoa dutela LGTBIfobiarekiko, eta, beraz, jarrera, jokabide eta gorroto-delitu horien aurrean aipatuak eta erantzule sentitzen direla”.

Erregistratutako eraso gehienak sinbolikoak eta ahozkoak izan dira; %36 eta %22 hurrenez hurren. Sinbolikoei dagokienez, gehienak transfoboak izan dira, eta “asko” Emakumearen Nazioarteko Egunaren ingurukoak ziren. Beste eraso batzuek aldiz, iaz bezala kutsu erlijiosoa duten kristau komunitateen mezuak ziren. 

Aurrez aurre salatzeko premia

Erasoak salatzeko zenbait bide daude; hala nola Harrotuko sare sozialen bidez edo 948226326 telefonoa, lgtbi@pamplona.es posta elektronikoa edota Harrotun (San Gregorio kalea 28) bertan. Harrotuko langileek aurrez aurre nahiago izaten dute arreta “hurbilagoa” emateko.

Aurten, salatutako gertakarien %44 aurrez aurrekoa izan da: “Horrek agerian uzten du garrantzitsua dela zuzeneko arreta-zerbitzu bat izatea, jendearendako irekia, langile espezializatuekin, baliabideak ematen dituena leku segurua eta konfiantzazkoa izan dadin, egoera zailetan bertara jo ahal izateko”.

Azkenik, Iruñea sozializazio eta bizikidetza espazio bat izateko gomendioak eman ditu behatokiak; hala nola nabarmendu du intersekzionalitatea “beharrezkoa” dela, salaketa eta laguntza mekanismoak "indartu" behar direla;  LGTBIfobairen aurkako kanpainak egiten jarraitu behar dela eta pertsona sexu genero disidenteen inguruko datuen eta azterlanen “egiazko” informazioa eman behar dela.


Kanal honetatik interesatuko zaizu: LGBTfobia
Nola landu desirak, aniztasun sexuala edota identitatea 12-18 urteko ikasleekin?

Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


Bi homofobok sudurra apurtu diote Asierri Bilbon: "Kikilduta nahi gaituzte, erantzun egin behar zaie"

Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]


2023-08-24 | Ilargi Manzanares
Pertsona trangeneroen aurkako erasoak handitu egin dira

Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.


Eguneraketa berriak daude