Libreki esan ahalko da Instagram eta Facebooken emakumeak “objektuak”, LGTBIQ pertsonak “gaixo mentalak” eta migratzaileak “gaizkileak” direla
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta “adierazpen-askatasuna berrezartzeko aukera” izango dela.
Urtarrilaren 7an, Trump presidente ezarri baino bi aste lehenago, bideo baten bidez adierazi zuen Mark Zuckerberg-ek aipatutako sare sozialetako zentsura politikak murriztuko dituela eta eduki politikoa gehituko dela.
2025ean aplikatuko diren neurrien berri eman du Metak, eta aurretik ezarrita zeuden beste zenbait zentsura neurri ezabatuko dituela ere azaldu du.
Edukien zentsura politikak sinplifikatu, eta inmigrazio eta genero gaiak babesteko ezarritako neurri murriztaile "ugari" kenduko dituztela argudiatu du Zuckerberg-ek. "Inklusiboagoak izateko nahiaren" ondorioz zenbait ideia "kanpoan utzi" dituztela adierazi du, eta jendeak sinismenak eta pentsaerak libreki adierazi ahal izango dituela hemendik aurrera.
Posible izango da bakoitza homofoboa, islamofoboa edo arrazista dela libreki adieraztea, eta pertsona talde batekiko intolerantzia eta gorroto adierazpenak ere modu askean erabili ahalko dira. Lehen debekatuta zegoen "nazkagarria da", "gorroto dut" edo "ezin dut jasan" bezalako terminoak erabiltzea, orain ez.
Sare sozialen bidez Metaren fundatzaileak zabaldutako bideoan, Europako herrialde gehienetan genero auziaren, LGBTIQ+ kolektiboaren edo immigrazioaren aurkako diskurtsoak zentsuratzeko neurri asko daudela azaldu du, eta berak horren aurka egin nahi duela.
Biolentzia agerian
Horrez gain, adierazi du biolentziazko edukiak ezabatzeko neurriak arinduko dituela. Orain arte biolentzia oro agertzen zen edukia berehala borratzeko metodoak zeuden, orain ordea, kasu larrienak soilik ezabatuko direla esan du. Berriro ere adierazpen askatasunaren izenean adierazi du kendu beharko ez liratekeen eduki asko borratzen dituztela iragazkiek. Hori horrela, bereziki larria ez den edukia ezabatzeko norbaitek abisua ipini beharko du lehenago.
Neurri berriak zehazten dituen txostenean azaldu dute onartu egingo dituztela generoaren edo sexu-orientazioaren aurkako diskurtsoetan "buruko gaixotasun" edo "anormal" terminoak erabiltzea. Horrez gain, erabilera arrunta izan ahalko dute "arraro" bezalako hitzek LGBTIQ+ pertsonei buruzko diskurtso politiko eta erlijiosoetan.
Atzerapausoak
Metaren web orrialdean neurri berriak argitaratzeaz gain, aurreko urteetan hartuatako zenbait puntu ere lerro gorri batez ezabatuta ageri dira.
Hemendik aurrera pertsona talde bat ez dela existitzen edo ez lukeela existitu beharko argitaratzeko aukera izango da. Kendu egin dute arraza edo afiliazio erlijioso batek existitu beharko ez lukeela esatea mugatzen zuen neurria, eta orientazio sexual baten existentzia ukatzeko aukera ere izango da.
Gizonak emakumeak baino gehiago direla ere esan ahalko da, eta emakumeei "objektu" moduan deitzeko aukera ere izango da. Pertsona transei "gauza" hitza erabiliz erreferentzia egitea debekatzen zuen neurria ere ezabatu dute.
Neurri horiek Facebooken eta Instagramen bi hilabeteren barruan indarrean izatea aurreikusten dute.
Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]
Elon Musken xAI enpresak garatutako Grok adimen artifizialeko txatbota Telegramen txertatuko dute. 1.000 milioi erabiltzailetan sartuko da eta horren truke 264 milioi dolar jasoko du Pável Dúrovek zuzendutako enpresak. Orain arte, Grok X sarean edo Musken bestelako... [+]
Urtebetean Grok-ek Telegramen ibiltzeko aukera izango du, mezularitza enpresaren 1.000 milioi erabiltzailetan sartuko da eta horren truke 264 milioi dolar jasoko du. Pável Dúrov Telegrameko sortzaile eta jabeak baietsi du operazioa bere kanal ofizialean.
Gazteen Euskal Behatokiak EAEko gazteen sare sozialen inguruko inkesta baten emaitzak zabaldu ditu. Datuen arabera, euskararen erabilera sare sozialetan 15-29 urteko gazteen artean ehuneko 6,6 puntu hazi da azken hiru urteetan, % 43,6an kokatuz (2022 eta 2025eko neurketak... [+]
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Aspaldi pertsona oso zatar bat ezagutu nuen, urrun izatea komeni den pertsona horietako bat. Bere genero bereko pertsonengana zuzentzeko, gizonezkoengana, “bro” hitza erabili ohi zuen. Edozein zapaltzeko prest zegoen, bere helburuak lortzeko. Garai hartatik hitz... [+]
Sare sozialetan badira zenbait pertsona eragin gaitasun handikoak. Jarraitzaile ugari dute, eta euren iritziak egiatzat hartzen dira. Askok, ordea, egia barik, interes propioa edo klase baten interesak iraunkortzea bilatzen dute. Ameriketan komentokrata deitzen zaie. Alegia,... [+]
Ortutik itzuli berritan erabaki nuen Twitterretik alde egitea, oraindik Twitter zenean. Auzolan batera joan nintzen, brokoliak eta azaloreak landatzera, eta mindfulness efektua zapuztu zidan algoritmoak, idazle feminista transgorrotatzaile baten txioak jaurtitzearekin... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
AEBetako auzi judizialen batengatik jakin denez, Metak (Facebook-eko jabeak) Libgen sareko liburutegia masiboki pirateatu du BitTorrent protokoloak erabiliz. 81.7 terabyte gutxienez lortu zituzten horrela, beren adimen artifizialeko sistemak elikatzeko. Saiakera eta zientzia... [+]
Gorrotoa sustatzen duten algoritmoak, mendekotasuna sortzeko diseinatutako aplikazioak, pertsonak beharrean publizitate-hartzaileak ikusten dituzten plataformak, merkantzia gisa tratatzen gaituzten sare sozialak… Badirudi azken aldian herritarrek sare sozial nagusietatik... [+]
Mastodon, gizarte sarea eta mikroblogintza zerbitzua da. Eugen Rochko alemaniarrak sortu zuen 2016. urtean. Software librean oinarritzen da. Azkenaldian, norbanako eta erakunde frankok bertan saretzea erabaki dute. Elkarren artean komunikatzen diren egitura independeteez... [+]
Donald Trumpen agintaldia hasi da politika atzerakoiak ezartzen woke edo DEI izan daitekeen guztiaren kontra, eta baita neurri teknologikoak iragarriz. Lehen unetik, karguaren zina egin zuenetik, teknologiako erraldoien buruak lehen lerroan egotea deigarria izan zen: bereziki... [+]
Trumpek AEBetako presidentetza hartuko duen eguna baliatuta, Goazen lagunok lelopean, multinazionalen jabetzako sare sozial "toxikoak" utzi eta fedibertsora trantsizio kolektiboa bultzatzeko kanpaina egiten ari dira eragile ugari. “Internet gizatiarrago batean... [+]