Hondakin organikoak bereiztea derrigorrezkoa izango da 2024an Ipar Euskal Herrian eta Frantziako Estatu osoan

  • Frantziako Gobernuko lehen ministroaren aldizkari ofiziala den Service-public.fr webak ohartarazi duenez, 2024ko urtarrilaren 1etik herritar guztiak daude derrigortuta beren hondakin organikoak bereizi eta konpostatzera. Bio-hondakinok zabor nahasientzako edukiontzi berde handian jaurtitzen harrapatutako herritarrak 35 euroko isuna ordaindu beharko du, hondakinak gaika sailkatzeko aginduak urratzeagatik.


2023ko maiatzaren 15an - 00:59
Azken eguneraketa: 11:39
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Composteurcitizen.fr hedabide elektronikoak oroitarazi du zazpi hilabete barru indarrean jarriko dela familia guztiak konpostatzera derrigortzen dituen agindua, baina legea duela hiru urte ezarrita dago, 2020ko otsaileko 2020-105 legean, xahutzearen kontrako eta ekonomia zirkularraren aldekoan. Horren arabera, 2024ko urtarrilaren 1erako familia guztiek jada eskueran eduki behar dute etxeko hondakin biodegradagarri guztiak bereizteko sistema.

Lehen ministroaren aldizkari ofizialak 2022ko irailean zehaztu zuenez, “Herri Elkargoek proposatu beharko dizkiete hondakinak bereizteko baliabideak, bilketa berezi bat egiteko ontzi egokiak, banaka edo multzoka konpostatzekoak, eta abar. Soluzio asko daude bio-hondakinontzako, udalerrien izaeraren (hiriak, landa-eremukoak) eta familien bizilekuaren (apartamentua, etxe bakarra) arabera: familia bakoitzak bere ontzian konpostatzea, taldekako ontzietan egitea (eraikin, kale edo auzoka multzokatuta), bilketa berezi bat antolatzea [herri elkargoez ari da] ontzi handietan, enbalajeekin eta beirakiekin egiten den moduan…”

Auzokonposta egiteko etxolak Bordeleko auzune batean. (Argazkia: Composteur Citizen)

Hondakin organikoak sorlekuan bertan bereiztea jada derrigorrezkoa zen enpresa eta kolektibitateentzako, urtean hamar tona organiko edo 60 litro olio sortzen dutenentzako. Aurtengo urtarriletik derrigortasuna zabaldua zen urtean bost tona organikotik gora sortzen dutenentzako. Zazpi hilabete barru, etxebizitza guztietan izango da derrigorrezkoa gaikako bilketa eta organikoaren konpostatzea.


Kanal honetatik interesatuko zaizu: Hondakinen kudeaketa
Zubietako erraustegia kudeatzen duen enpresari zigorra jartzeko eskatu du Nafarroako Gobernuak

Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]


2024-05-17 | ARGIA
Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


Espainiako Estatuan inoiz baino ur gehiago botilaratu da, eta behera egin du Hego Euskal Herrian

2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.


Plastiko-fabrikatzaileek iruzur egin dutela erakusten du txosten batek

Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.


Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


Aierdik dio Artaxoan ez zela jaso behar Gipuzkoatik zetorren inongo hondakin likidorik

Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]


Zaldibarko zabortegira hondakinak baimenik gabe isurtzeagatik Lapurdiko bi enpresa zigortu dituzte

Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.


Lemoako Bistibieta zabortegian egon liteke ‘Prestige’ hondamendian euskal kostaldean bildutako galipotaren %37

Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]


2023-12-20 | ARGIA
Biomendi txerri granjan 80.000 tona hondakin industrial tratatu dituzte, 33.000-rentzako izan arren baimena

Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]


EAEk 400.000 tona hondakin bidaltzen ditu inguruko herrietara azpiegitura faltagatik

EH Bilduk salatu du Jaurlaritza ez dela Hondakinak Prebenitzeko eta Kudeatzeko Plana betetzen ari. Azalpenak eskatu dizkio Arantxa Tapia Ekonomiaren Garapen eta Ingurumen sailburuari, argitu dezan zein den guztira EAEk esportatzen dituen hondakin kopurua eta zer neurri hartuko... [+]


2023-11-23 | ARGIA
Hernaniko ikastetxeetako jangeletan oihalezko ahozapiak erabiltzen hasi dira paperezkoen ordez

Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]


Eguneraketa berriak daude