ARGIA Jendearen artean nahi duguna musutruk eman eta hartzeko aukera martxan
ARGIA Jendearen artean elkarri eusteko modu hauxe jarri berri dugu martxan: ARGIA Jendeari musutruk ematea. Nahi duenak nahi duena jar dezake gure Azokan, oso modu errazean. Dagoeneko erabiltzen ez dugun zerbait, etxean egiten dugun horretatik pixka bat...
ARGIAren sei gai hauek, hasteko: Edonork jarri ditzake besteen eskura edozein gai edo zerbitzu, musutruk. Hasteko, ARGIAren erlikia hauek jarri ditugu:
Zeruko ARGIA sutondoan, posterra.
Txapelketa zaharretako bertso onenen ARGIAren bilduma.
Euskal Kantu Txapelketako finala, 1993koa. Kasetea.
Arpa Jotzen, Kike Amonarrizen txiste liburu zaharra.
Anje Duhalde, Su Ta Gar eta Zaramaren binilo bilduma.
Eman eta hartu, harreman kapitalistak gaindituz
Bizitzan ere horrelaxe egiten dugu, une batzuetan eman, trukean eta momentuan ezer espero gabe, harremanak indartzeak epe luzera onurak ekarriko dizkigun konfiantzan. Eta beste momentu batzuetan hartu, esker onez. Eguneroko bizitzan gehien eusten gaituzten hartu-emanak diruaren logikatik kanpo garatzen ditugu. Harreman komunitario hauek lantzeko beste urrats bat da Azokan martxan jarri duguna. Honela kontatu du Itsaso Zubiria Etxeberriak aukera honen berri.
Gure Errepublikan denok ongi bizi gaitezen elkar zaintzen dugulako, ARGIA Jendearen arteko harremanak estutzen segi dezagula!
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Apirilaren 14an egin zen Bartzelonan lehen Ekonomia Errepublikarreko Laborategia, Altxa Dezagun Errepublika prozesuaren baitan. La Lleialtat Santsenca kooperatiba obrero zaharrean, ehundik gora aktibista elkartu ziren, errepublika gauzatzeko 155 neurri ekonomiko proposatzeko.
Reas Euskadiko Marian Díez, ARGIAko Estitxu Eizagirre, Olatukoop eta Koop57ko Amaia Oleaga eta Katakrak eta Alternatiben Herriko Maitane Unzu, puntuka erantzuten jarri zituen Naroa Elortza gai jartzaileak "Ekonomia sozial eraldatzailea eta burujabetza(k)" mintegian Gasteizen ekainaren 22an.
Four years have passed since the solidarity economics network was set up, and 26 community companies are already members.
Olatukoop sareak Sanagustin kulturgunean egin ditu Saretze Eguneko jardunaldiak gaur, zapatua. Ekonomia soziala eta eraldatzailea ardatz dituzten enpresen, erakundeen nahiz elkarteen sarea da Olatukoop, eta gaur dozenaka lagun elkartu da Sanagustinen, esperientziak elkartrukatzeko.
Autobusentzako gunea zen garai batean 'Geltoki' bilakatu da orain. Larunbatean zabaldu zituen ateak eta garai bateko leihatilak denda bilakatuta daude.
Lau urte igaro dira ekonomia eraldatzailearen sarea eratu zela eta jadanik 26 dira bertan parte hartzen duten enpresa komunitarioak.
Iturola elkarlan “sorguneak” Beterri-Buruntzako komunitatearen ongizatea helburu duten proiektuak biltzen ditu. Ostegun goizean inauguratu dute ofizialki Hernanin.
Erosi, alokatu eta okupaturen artean, etxebizitzaren arazoari erantzun berri bat ari dira entseatzen Donostiako Abaraska proiektuko kideak. Teilatu batetik harago, ingurua eraldatu eta beste bizi eredu baten oinarria izan daitekeelako jarri dute martxan etxebizitza kooperatiboaren proiektua. Definizio fasea behin igarota, bizitoki izango duten espazioa lortu eta errealitatera salto egiteko aliantzak josten dabiltza.
