ARGIA.eus

2022ko maiatzaren 24a

'Komikiak aztertzeko gida bat' euskaratu du EHUk

  • Komikiari buruzko alderdi teorikoak modu grafikoan erakusten ditu How to study comics & graphic novels gidak. Iaz plazaratu zuen Oxfordeko unibertsitateak, eta EHUko LAIDA Literatura eta Identitatea ikerketa-taldeak ekarri du euskarara.

2022ko urtarrilaren 18a

Jatorrizko bertsioaren gidoia Enrique del Rey Caberok (Alcalako Unibertsitateko Juan de la Cierva doktoretza ondoko ikertzaileak) eta Michael Goodrumek (Canterbury Christ Church Unibertsitateko Historia Modernoko irakasleak) idatzi dute, eta Josean Morlesín Melladok egin ditu marrazkiak. Hain justu, EHUko Arte Ederren Fakultateko irakaslea eta LAIDA Literatura eta Identitatea ikerketa taldeko kidea da Morlesín. Juan Kruz Igerabidek euskaratu du.

Gidaren bertsio digitala (PDF): Komikiak aztertzeko gida bat.

Komikigintzaz bigarrena

Gida hau hainbat ataletan dago banaturik: Komikiak eta nobela grafikoak, Komikien hizkuntza, Hitzak eta irudiak, Produkzioa, Komiki tradizio nagusiak, Banaketa metodoak, eta Komikiak ikertzeko zenbait alor. Deigarria da lehenbiziko atalak "Komikiak eta nobela grafikoak" goiburua izatea, liburuaren ingelesezko bertsioaren "graphic novels" terminoa kendu zaionean euskarazkoari... Hasiera interesgarria du.

LAIDAko kideen hitzetan, "esparru akademikoko publikoari" zuzenduta dago, "komikien ikerketan hasteko interesa duten ikasleei zein irakasleei, baina interesgarria izan daiteke, oro har, esparru horri buruz gehiago jakin nahi dutenentzat". Euskarazko edizioak Alvaro Rabelli komiki gidoilariak eta José Carlos Torre komikigileak idatzitako hitzaurrea du; bukaeran, bestalde, Nick Sousanis San Francisco State Universityko irakasleari egindako elkarrizketa dago.

Komikigintzaz plazaratutako LAIDAren bigarren liburua da honakoa. Egungo euskal komikiaren historia izan zen lehenbizikoa, 2017an argitaratua.

Kanal hauetan artxibatua: Komikia  |  EHU

Komikia kanaletik interesatuko zaizu...
2022-05-19 | Xiberoko Botza
'Amaiur libera state' izena du Asisko Urmenetaren komiki berriak

Amaiurko gazteluaren erorketaren 500 urteen kari Amaiurko Gaztelu elkarteak lan hori egiteko galdegin zion. Amaiurko gazteluaren sarraskia usu aipatzen bada ere, Nafarroko erresumaren desegitea ez da sobera ezagun. Komiki honen bidez gure historia gogora ekarri du Urmenetak.


2022-03-27 | Jon Torner Zabala
Asier iturralde 'Gast├│n', ilustratzaile eta komikigilea
"Espazio asko uzten dut landu gabe, ez zait gustatzen orrialde osoa marraztea"

Bilboko taberna batean egin dugu elkarrizketa, non bestela. Ez, ez gaude Beti Berdin-en. Taberna hori fikziozkoa da, baita Irizar herria ere, Asier Iturralde Gastón ilustratzaile donostiarrak propio sortuak buruan zituen istorioak kokatzeko. Hasieran interneten eta ostean... [+]


Maskara hau ezagutzen? Haren sortzailea Gasteizen izango da laster

David Lloyd, V for Vendetta komiki ezagunaren sortzaileetako bat, Gasteizen izango da otsail hasieran. Ignacio Aldecoa kultur etxeak eta Caracola Comic-ek hiru eguneko jardunaldiak antolatu dituzte komiki horren inguruan.


Ni-tik zu-rako jauzia, Tupustean

Lehenbiziko komiki antologia argitaratu eta urte parera, bigarren liburukia kaleratu berri du Tupust! kolektiboak. Donostiako Koldo Mitxelena Kulturunean liburua aurkeztu ostean, labetik atera berri den lanari buruz gehiago konta diezaguten jarraitu diegu Komikigunera... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude