ARGIA.eus

2020ko ekainaren 06a

Koliko nefritikoa zuen migratzaileari aterpea ukatu dio Gurutze Gorriak

  • Irungo Harrera Sareak salatu duenez, Bidasoako ospitaleko medikuak koliko nefritikoa diagnostikatu eta erabateko atsedenaldia agindu zion astelehenean migratzaile bati, baina arratsalde horretan bertan Irungo Udalak migratzaileentzat duen aterpean sartzea ukatu zion Gurutze Gorriak. Argudio burokratikoa eman zioten: asiloa eskatu du eta ez dagokio aterpe horretan egotea.

Mikel Garcia Idiakez @mikelgi
2018ko azaroaren 28a

Irungo Harrera Sareak berak artatu zuen pertsona eta leku bat aurkitu zion atseden hartu zezan, harik eta migratzaileek lo egiteko gaueko 21:00etan irekitzen duten Irungo beste guneak ateak zabaldu zituen arte.

“Beste behin, Gurutze Gorriak gizatasun gutxi erakutsi du eta beste behin, zalantzan jarri da migratzaileak artatzeko baliabideen eraginkortasuna”, dio Harrera Sareak.

Haur bat eta bost emakume kaleratu zituztenekoa

Ez da lehenengo aldia Irungo Gurutze Gorriaren praktika txarrak salatzen direna. Pasa den abuztuan, migratzaileentzako aterpean sartzea ukatu zieten bost emakume (horietako bat haurdun) eta haur bati. Aterpea lortzeko aukera bakarra Bilbora itzultzea zutela esan zien Gurutze Gorriak. Bi emakumek erabaki zuten autobusean itzultzea (baina Bilbon inork ez zituen jaso eta lorategi batzuetan egin zuten lo); beste hirurek eta umeak Bilboraino bidaiatzeari uko egin zioten eta ondorioz beraiek ere kalean egin behar izan zuten lo. Argian jaso genuen albistea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Migrazioa  |  Irun  |  Herritarren Harrera Sareak

Migrazioa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude