Haur bat eta bost emakume migratzaile, horietako bat haurdun, kalean lo egitera behartuta, aterpea ukatu dietelako
Bidean diren migratzaileentzako Irungo behin-behineko aterpean sartzea ukatu zieten, abuztuaren 26ko gauean, bost emakume (horietako bat haurdun) eta haur bati. Aterpea lortzeko aukera bakarra Bilbora itzultzea zutela esan zien Gurutze Gorriak. Bi emakumek erabaki zuten autobusean itzultzea (baina Bilbon inork ez zituen jaso eta lorategi batzuetan egin zuten lo); beste hirurek eta umeak Bilboraino bidaiatzeari uko egin zioten eta ondorioz beraiek ere kalean egin behar izan zuten lo.
Irungo Harrera Sareak salatu du gertaturikoa. Euren esanetan, Gurutze Gorriak emakumeei azaldu zien Irungo aterpeak ez dituela beharrezko baldintzak betetzen emakumeak eta adin txikikoak modu egokian artatzeko, eta horregatik aukeratu behar zutela: edo Bilbora bueltatu, edo bitartekoak erabiltzeari borondatez uko egiten ziotela sinatu. “Oinarrizko beharrei erantzuteko bitartekoa ukatzeak, dauden egoera prekarioan egonda, areagotu egiten du haien zaurgarritasuna. Bidean atzera egitearen edo bitartekoei uko egitearen artean aukeratu behar izateak ez dirudi egokiena, bereziki laguntza humanitarioa eta soziala eskaintzen duen erakunde baten eskutik. Pertsona hauek, gehienetan, desorientatuta iristen dira, eta bidaian aurrera egitea da haien helburu bakarra”, dio Sareak.
Ohe hutsak
Jendeak kalean lo egin behar duen bitartean, Irunen harrerarako prestatu duten behin-behineko ikastetxean (argazkian) ohe hutsak uzten dituztela eta hainbati jatekoa ukatu zaiela ere salatu du Irungo Harrera Sareak. “Ulertezina iruditzen zaigu prestatuta eta ordainduta dauden baliabideak ez erabiltzea”. Betebehar horiek guztiak soilik Gurutze Gorriaren esku ez uztea eskatu diete erakunde publikoei, besteak beste.
Herritarrez gain, honako mugimenduek osatzen dute Irungo Harrera Sarea: Adiskidetuak, Amnesty International, Erletxea, Helduak, Hotz, Lakaxita Gaztetxea, Ongi Etorri Errefuxiatuak, Stop Deshaucios, SOS Arrazakeria eta Zero Pobrezia.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]