Martxoaren 24ean Lizarrako udalbatzak Gonzalo Fuentes Navarra Sumako alkatearen kontrako zentsura mozioa eztabaidatu eta bozkatuko du. Koldo Leoz, EH Bilduko zinegotziak hartuko du aginte makila. “Eskuina boteretik kanporatzea izan da gure helburua legegintzaldi hasieratik” adierazi du Leozek Euskalerria Irratian.
"Legegintzaldia hasi zenetik hartu emanak izan ditugu oposizioko alderdien artean Navarra Suma boteretik kentzeko", azaldu du Koldo Leozek Euskalerria Irratian, "Gabonetatik bueltan sozialistekin elkarguneak handitu egin dira, Navarra Sumarekin desadostasunak areagotu diren neurrian". Zentzu horretan Leozek Lizarrako PSNren jarrera txalotu du, "Aurrerapausua eman dute, bertako batzarraren gehiengoaren babesarekin eta horregatik ere arduraz eta eskuzabaltasun osoz aritu gara negoziaketan".
PSNko Nafarroako zuzendaritzak ez du zentsura mozioa babesten eta Lizarrako bi zinegotziren kanporatzea iragarri du "iruzurra" egiten ari direlakoan. Koldo Leozek Ramon Alzorriz, PSNko antolakuntza idazkariaren hitzei erantzun die Metropoli Forala saioan egindako elkarrizketan, "Lizarrako PSNko batzarraren %70ak babestu du zentsura mozioa, Alzorriz bera etorri zen Lizarrara eta bertako militanteek egoera zein den azaldu zioten, eskuina kanporatzeko beharra azpimarratuz" azaldu du Leozek, "Iruzurra beraz ez da zentsura mozioa, iruzurra PSNko Lizarrako kideek esaten diotenari bizkarra ematea litzake".
Martxoaren 24an izanen da zentsura mozioa bozkatzeko udal bilkura. "Mozioa sinatuta dugu, baita edukiz betetako akordioa ere", adierazi du EH Bilduko zinegotziak. "Neurri sozialei berebiziko garrantzia emanen diegu, Lizarran gaizki pasatzen ari diren bizilagun asko ditugulako, euskara batzordea eta herritarren parte hartzea berreskuratuko ditugu. Azken finean, bederatzi hilabete hauetan, aurretik egindako guztia bertan behera uztera mugatu da eskuina, guk buelta eman nahi diegu atzerapauso guzti hauei".
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]