"Koi Sushi ordaindu zor duzuna" borrokaldia abian Iruņeko langile baten alde
Langile batek hainbat bidegabekeria salatu ostean Iruñeko Koi Sushi jatetxeak kaleratu egin nahi duela salatu du Langileon Autodefentsa Sareak. Mobilizazioak egiten ari dira jatetxearen aurrean eta larunbatean berriro kontzentrazioa egingo dutela iragarri dute.
Langile baten lan-baldintzak hobetzeko eta zor dioten dirua ordaintzeko eskatuz, ekainaren 12an hasi zuten protestaldia: ordaindu gabeko ordu estrak, kontratu-irregulartasunak, atsedenerako aukera eza eta oporrak ukatzea izan dira salatutako bidegabekeriak. “Koi Sushi: ordaindu zor duzuna” afixekin hainbat kontzentrazio egin dituzte jatetxearen aurrean.
Enpresari kontratu-irregulartasunak aldatzeko proposamena egin ostean, langilearen kontrako neurriak hartu dituztela salatu dute, hari ez zegozkion lanak egitera behartuz. “Azkenik, langilea kaleratzen dute hitzez, baina, ez dute kaleratze hori sinatzerik nahi mehatxu gisa, hauen helburua baita lan egindakoak baino ordu gutxiago biltzen duen kontratua sinaraztea”.
Autodefentsa Sarearekin batera, langileak berak, zor diotena kobratu arte protestan jarraitzeko deia egin du babesa eskertzearekin batera. Hain zuzen, kontzentrazioa deitu dute larunbaterako 21:00etan García Castañón karrikan.
Iruñerriko Autodefentsa Laboraleko Sarea 2016ko azaroan aurkeztu zuten. Urte horretako apirilaren 30ean egindako mobilizazio eta ekainean egindako Gazte Boterea Eraiki jardunaldien harira, antolatzea erabaki zuten arte. Seattle hiriko elkartasun sareak hartu dituzte eredu, langile prekarioen esplotazioari aurre egiteko tresna bezala.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Urteetan, Lizarra-Garaziren porrotaren ostean, ELAko buruzagien artean «kendu behia korridoretik» esaldia ezagun egin zen, ETAri errefentzia eginez. Baldintza bat zen, LABekin ekintza-batasunerako eta esparru abertzalean EAJren alternatiba izango zen artikulazio soziopolitikoaren alde egiteko. «Etxerako lanak egin behar dituzue» esaten ziguten ELAkoek. Ezker abertzalearen estrategia-aldaketak indarrak metatzeko eta eraldaketa sozialerako oinarriak eta ortzemuga ezartzeko... [+]
64.209 pentsiodunek 800 euro baino gutxiago jasotzen dituzte. Soldatetan arrakala ere nabarmena da emakume eta gizonen artean: emakume pentsiodunek %40 gutxiago jasotzen dute. Comisiones Obreras sindikatuak egindako txostenaren datuak dira.
EAJk agintzen duen Gipuzkoako Foru Aldundiak kanpora begira eman nahi duen irudia honako hau da: modernoa, garai berrietara egokitua, lurralde aurreratua, berdintasunarekin inplikatua, kontziliazioaren aldekoa, pertsona helburu... Bide horretan badu zer eginik ordea! Errealitatea deskribatzetik oso urrun dauden hitzak baitira. GFAk kudeatzen duen Egogaineko nagusien egoitza da honen adibide.
300 euroko isuna jarri dio Espainiako Gobernuak, 2018ko apirilaren 27an Nafarroako Lan Ikuskaritza sinbolikoki okupatzeagatik.
Egun langile klaserik ez dagoela esateari ekin diote eskuineko eta ezkerreko hainbat sektorek. Horretarako tresna anitz baliatu dituzte, batez ere kulturaren arlotik.
MTV music week-eko asteburuan abiatu dute protestaldia eta greba mugagabean daude Bilboko NH eta Barcelo Nervion Hoteletako garbitasun zerbitzuetako langileak. Musika sarien asteburuan Barceló Nervión hotelean gaueko prezioa 375 eurora igo den bitartean garbitzaileek gelako 2,5 kobratzen jarraitzen dute. Luxuaren atzean ezkutatzen den miseria honek sistemaren kontraesanak diruditen arren, sistemaren beraren egiturazko esplotazio mekanismoak dira.
Amiantoak aurten 29. pertsona hil ditu jadanik, azkenekoa La Naval eta CAFen azpikontratata batentzat 70eko hamarkadan aritutako behargina.
Enpresa taldeko zuzendaritzak adierazi du hainbat proiektu dituela esku artean eta hurrengo urteetarako aurreikuspena sektorean "oso ona" dela.
