Koalizio kontserbadoreak irabazi ditu hauteskundeak Portugalen, eta eskuin muturrak gora egin du
Lehen ministro Luis Montenegro buru duen AD koalizio kontserbadorea gailendu da Portugalgo Legebiltzarrerako hauteskundeetan, bozen %61 lortuta –iaz %51 eskuratu zituen–. Irabazleen artean Chega eskuin muturreko alderdiko hautagai André Ventura ere badago, sozialistek bezainbat eserleku lortuta. Alderdi Sozialistak zortzi hamarreneko aldea besterik ez dio atera Chegari, eta emaitza kaxkarrek bultzatuta, alderdiko buru Pedro Nuno Santosek dimisioa aurkeztu du.
Pedro Nuno Santosek iragarri du ez duela Alderdi Sozialistako buru izaten jarraituko, eta ez du alderdiak egingo duen datorren kongresuan parte hartuko, nahiz eta orduan zehaztuko duten aurrera begirako estrategia. Litekeena da, hainbat hedabideren arabera, Montenegroren aurkako jarrera nabarmen arintzea. Alderdi Sozialistak 50 urte daramatza bi alderdi bozkatuenetako bat izaten, baina egoera iraultzear da, aintzat hartuta diasporako bozkei esker ultraeskuinak diputatu bat gehiago eskura dezakeela sozialistek baino.
Hauteskunde hauetan bozen %23,4 eskuratu du Alderdi Sozialistak, eta %22,6 Chegak; 58 eserleku lortu ditu bakoitzak.
Donald Trump AEBetako presidenteari babesa eskaini eta alderdiko hainbat diputatu eta kargudun zipriztindu dituzten eskandaluak azaleratu izanagatik ere, gora egin du eskuin muturrak Portugalen, gizarteak bizi duen ezinegona are gehiago kapitalizatuta: 2024an bozen %18 lortu zuen; 4,5 puntu egin du gora, beraz, immigrazioa edota ijitoak jo-puntuan jarrita, besteak beste.
Globalizazioarekin eta migrazio-fluxuekin kritikoak
Mafalda Carvalho EHUko Zuzenbide Fakultateko ikaslea da, Zientzia Politikoetan lizentziatua eta Filosofian doktoregaia (Portoko Unibertsitatea). Portugalgo hauteskundeen inguruan idatzi dituen analisi bi plazaratu ditugu ARGIAn. Halaxe zioen bigarren idatzian:
"2022ko hauteskunde legegileei esker, Ventura buru zuen alderdia diputatu 1 izatetik 12 izatera igaro zen, eta zentro-eskuineko mapa politikoa eraldatu zuten, 1974tik lehen aldiz desagertu baitzen CDS-PP Parlamentutik. Chega hirugarren indar politikoa da orain, Alderdi Sozialistak eta Alderdi Sozialdemokratak sinbolizatutako bipartidismo klasikoaren ondoren. (...) Venturaren jarraitzaileak kritikoak dira globalizazioarekin eta migrazio-fluxuekin, eta kexu dira bi fenomeno horietaz: krisi ekonomikoaz eta Portugalen geldialdia".
Lehenbiziko analisian ere Chega zuen bereziki hizpide, alderdiak izango zuen gorakadaren jakitun: "André Ventura Chegako liderrak diseinatutako estrategiak hainbat elkargune ditu beste politikari erradikal eta populista garaikide batzuekin, hala nola Javier Mileirekin, Viktor Orbanekin, Donald Trumpekin eta Jair Bolsonarorekin. Venturak immigrazioaren aurkako ideiak eta islamaren aurkako jarrera sutsua sustatu ditu, eta uko egin dio LGTBIQ+ gutxiengoen eta ijito-komunitateen eskubideak onartzeari eta errespetatzeari".
Manifestazioaren iragarpena Turistifikazioaren aurkako Europa Hegoaldeko sareak (SET) Bartzelonan antolatutako topaketen harira egin dute. "Turismo-monolaborantzaren aurka" deitu dute eta Europa Hegoaldeko hamabost eragile inguru batu zaizkie.
Chão de Lamas-eko zilarrezko objektu sorta 1913an topatu zuten Coimbran (Portugal). Objektu horien artean zeltiar jatorriko zilarrezko bi ilargi zeuden. Bi ilargiak apaingarri hutsak zirela uste izan dute orain arte. Baina, berriki, adituek ilargietan egin zituzten motibo... [+]
Gazteei PFEZa murriztea edota zenbait kasutan deuseztatzea proposatu du Portugalgo Gobernuak, baina momentuz hizpidea baino ez du ipini, ez baitago argi aurrekontuak onartu ahalko dituen, gobernua osatzen duten alderdiek ez baitute-eta gehiengo parlamentariorik. Espainiako... [+]
Eskuin muturrak elkarrekin gobernatzeko gonbita luzatu dio eskuinari. Luis Montenegro irabazleak adierazi du hauteskundetan egindako promesari eutsiko diola, eta bakarrik gobernatuko duela. Alderdi Sozialistak gainbehera handia izan du.
Mas Vivienda programaren parte dira neurriak, “etxebizitzarako sarbidea errazteko” asmoz hartuak. Besteak beste, %15eko tasa gehigarria ordaindu beharko dute etxebizitza turistikoek eta etxeen erosleentzat bidaiatzeko urrezko bisa murriztuko du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Hilean 30 euro emango dizkie Portugalgo Gobernuak baliabide gutxi duten milioi bat familia baino gehiagori. Horrez gain, 44 produkturi BEZ zerga kendu die. Osasun ministroak jakinarazi du akordioa erdietsi dutela elikagaien banaketa zein ekoizpen sektoreko enpresekin.
Portugalek jasaten duen etxebizitza-krisiari aurre egiteko, inbertsioen truke bizileku-baimena ematen duen "Golden Visa" erregimena bertan behera utzi du gobernuak, eta indarrean daudenei aldizkako ebaluazioak egingo dizkie. Hala, turismoak etxebizitzen arloan eragiten... [+]
Adierazi dute "ezinezkoa" dela biktima guztiak zenbatzea. Erasoa jasan duten gehienek 10 eta 14 urte artean zituzten, eta erasotzaile ia guztiak gizonezkoak ziren; horien %70, apaizak.
Ukrainaren inbasioa dela eta ez dela, azkenaldian asko ari da agertzen notizietan Roman Abramovitx oligarka portugaldarra. Bai, ondo irakurri duzue: portugaldarra. Idatzi behar duzuna aurreikusten duen teklatuak ere “errusiarra” jartzen du “oligarka”... [+]
Antonio Costa lehen ministroaren PS alderdiak parlamentuko 117 eserleku eskuratu ditu –botoen %41,7– , eta, inkestek berdinketa aurrikusten zuten arren, urrun geratu da PSD Alderdi Sozialdemokrata kontserbadorea, 71 eserlekurekin –%27,8–. Nabarmen egin du... [+]