Alemaniako hauteskundeetatik lau hilabete pasa direnean iritsi da kontserbadoreen eta sozialdemokraten arteko akordioa: koalizio handiak datozen urteetan Alemania gobernatzen segitzeko aukerak gertuago daude.
Angela Merkel Alemaniako kantziler kontserbadoreak eta Martin Schulz sozialdemokratak lortu dute akordioa. Der Spiegel astekariak eman du berria asteazken goizean.
Astekari alemaniarrak negoziazioetan parte hartzen ari diren iturriak aipatuz argitaratu duenez, alderdi bakoitzak kudeatuko dituen sailak argitu dituzte: SPD alderdi sozialdemokrataren esku egongo dira Atzerri Ministerioa eta Finantza eta Lan Ministerioa.
Berez, joan den igandea jarria zuten muga gisa bi alderdiek negoziazioak burutzeko. Astelehena eta asteartea azken aukera gisa aurreikusi zituzten, baina azkenean asteazkenera arte luzatu da sokatira.
Negoziazioak luzatzearen atzean SPDren zenbait eskari egon dira, hala nola, lan kontratuen inguruan edo botiken inguruan egindako zenbait eskari zehatz. Analistek azaldu dutenez, sozialdemokratek mota horretako eskariak indartu dituzte alderdiaren ezkerreko sektoreen kritikak apaltzeko, Merkelekin gobernua partekatzearekin denak ez baitaude ados SPDn.
Akordioa erdietsita, sozialdemokraten babesa izango da hurrengo langa Alemanian gobernua osatzeko: SPDko 450.000 kideek babestu beharko dute akordioa eta hiru asteko tartean ikusiko da babes nahikorik baduen.
Negoziazioak direla-eta, Merkelek bere nazioarteko agenda aldatu behar izan du: Paolo Gentiloni Italiako lehen ministroarekin biltzekoa zen asteazken eguerdi honetan eta bilkura arratsaldera pasa dute, Der Spiegelen arabera.
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
Software jabeduna utzi eta librera jauzia emateko helburua du Alemaniako Schleswig-Holstein estatu federalak. Hasteko, proba pilotu arrakastatsu baten ondoren, Microsoft Office baztertu eta LibreOffice erabiltzen hasiko dira administrazioan. Aurrera begira aldaketarekin jarraitu... [+]
Ehundaka milioi euroko galtzeak eragin ditu sabotajeak, enpresako zuzendariaren arabera. Fabrikak oraindik geldirik segitzen du. Vulkan Gruppe –Talde Bolkanikoa– izeneko ezker muturreko taldeak bere gain hartu du ekintza.