Klima aldaketaren aurka ausardia eskatu dio Europako Legebiltzarrak EBri

  • Urriaren 14an Bruselan egindako osoko bilkuran, Europako Parlamentuak onartu egin zuen datorren abenduko klimaren gailurrean (COP21, Paris) Europar Batasunak defendatu beharko lukeen bide-orria. Besteak beste, Legebiltzarrak eskatzen du EBk berotegi efektuko gasen emisioen %40ko murrizketaren alde egin dezala 2030erako, 1990eko igorpenekin alderatuta.


2015eko urriaren 15an - 21:51
Tuvalu da itsas mailaren igoerak gehien mehatxatzen dituen estatuetako bat (Arg.: Stefan Lins/CC By SA).

Hain zuzen ere, portzentaje hori bera da EBk COP2-i begira aurkeztu dituen helburuetan ageri dena. “Guk eskatu dioguna, ordea, %40ko murrizketa hori gutxieneko abiapuntua izatea da”, azaldu du Florent Marcellesi Equoko legebiltzarkideak, “eta ez goiko langa”. Haren esanetan, COP21en Europar Batasunak berreskuratu egin behar luke klima aldaketaren aurkako borrokan garai batean izandako lidergoa.

Equoko kideak uste du klima aldaketaren aurkako borrokaren ikuspuntutik hobe litzatekeela urte horretarako helburua %70 inguruko murrizketa izatea, baina ontzat eman du Parlamentuaren erabakia, gaiarekiko sentiberatasun oso desberdinak direla kontuan izanda. Guztira 434 parlamentarik bozkatu zuten erresoluzioaren alde, eta 96k aurka.

2050ean karbonorik gabe

Onartutako testuan, Europako Legebiltzarrak dio Pariseko gailurrean adostuko den akordioa loteslea izan beharko litzatekeela –ez dago argi hala izango den ala ez–, konpromisoen bost urteroko errebisioak ezarri beharko lituzkeela eta karbono emisioak 2050 ingururako desagerrarazi beharko lituzkeela guztiz –eta ez 2100erako, orain proposatzen denez–, beroketa globala bi graduren azpitik mantentzeko helburu orokorra erdietsi nahi bada.

Halaber, energia berriztagarrien ezarpenean eta efizientzia energetikoaren alorretan 2030erako jarritako helburuak hobetu beharko liratekeela adierazi du Parlamentuak. Komeni da gogoratzea eremu bi horietan zein emisioen murrizketan 2020rako hartutako konpromisoa dagoeneko betea duela Europak. Horrek erakusten du, talde ekologista gehienek kritikatu izan dutenez, 2030erako helburuak askoz handinahiagoak izan zitezkeela.     


Kanal honetatik interesatuko zaizu: Larrialdi klimatikoa
2024-06-24 | Nicolas Goñi
Nola saihestu dezakegu aire kutsatuaren murrizteak dakarren berotze efektua?

Azken urteotan nabaritu den beroketa globalaren emendatzea neurri batean kutsadura murriztearen ondorioa da, hain zuzen, murriztuz doazen aerosol sufredunen isurketek, berez, berotegi efektuaren zati bat konpentsatzen dutelako. Paradoxa horrek egoera berri batean sartzen gaitu,... [+]


Paloma Castro (AEMET Nafarroa)
“Udaberria arrunta izan da eta uda ohi baino beroago izango da”

Ostegunean hasi da uda. Hartara, udaberriko eguraldiaren balorazioa eta udakoaren iragarpena egin du gaur AEMETek. Apirila 1961az geroztik hilabeterik lehorrena izan den arren, udaberri “arrunta” izan da eta uda ohi baino beroagoa izatea aurreikusi dute.


2030erako lur eta itsas eremuak %20 lehengoratzeko araudia onartu du Europar Kontseiluak

Astelehenean onetsi du Europar Kontseiluak Natura Lehengoratzeko Legea, hiru hilabeteko blokeoaren ondoren. "Mugarri gako bat da kontinenteko ekosistemen babeserako eta berreskurapenerako", esan dute hainbat elkarte ekologistek, besteak beste, BirdLife Europe,... [+]


Ikusten banauzu, egin negar

Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]


2024-05-29 | Nicolas Goñi
Marshall uharteetan, elkarlana dute itsasoaren igoerari egokitzeko planen oinarrian

Ozeano Barean, atoloi apalez osatuak, Marshall uharteak dira klima aldaketaren aurrean herrialde hauskorrenetakoak, itsas mailaren gorakadak zuzenki mehatxatzen dituelako. Bertako gobernuak egokitze plan sakon eta zehatz bat martxan jarri du, biztanleekin elkarlanean, behetik... [+]


Eguneraketa berriak daude