Emakumeak borrokan
MANIFESTUA

Kazetaritza ez da delitua

  • ARGIAko kazetari baten aurka salaketa jarri dute bi ertzainek, hizkuntz eskubideen urraketa bat tarteko gertatu zen identifikazio baten harira publikatutako informazioa eta bideoagatik. Martxoaren 20an deklaratu beharko du Lander Arbelaitzek. Egun horretarako kontzentrazioa deitu dugu eta epaiketa bidegabea bertan behera uzteko ere eskatzen dugu. Zure atxikimendua eman dezakezu argiak100urte@argia.eus helbidean.

ARGIA @argia
2019ko martxoaren 05a

Bideoa milaka aldiz ikusi zen eta bertan oso ongi islatuta geratzen da gertatu zena. Hizkuntz Eskubideen Behatokiak salaketa jarri zuen. Ertzaintzak barkamena eskatu zuen hizkuntz eskubideak urratzeagatik. Gerora jakin dugu Ertzaintzak eskubideak urratu zizkion pertsona hori Mozal Legeaz zigortu duela. Eta gainera, 22125 eta 23044 zenbakidun ertzainek momentua grabatu eta zabaldu zuen ARGIAko kazetari baten aurka salaketa jarri dute bide penaletik, “irainak” eta “kalumniak” egotzita.

Salaketa hau informatzearen aurkako erasoa da eta beraz, herritar denok informatuak izateko dugun eskubidea dago jokoan. Ez da lehen aldia. Ez dute lekukorik nahi. Azken urteetan polizia ezberdinek kaleko edozein operazio grabatzen duen edonoren aurka egiten dute, identifikatuz, grabazioak oztopatuz eta beldurra sartuz. Ertzain hauek beren buruak ikusi dituzte asko zabaldu den bideo batean, eta mendekua da salaketa bat jartzea bide penaletik. Bideoan ongi islatuta geratu da gertatu zena, edonoren interpretaziorako.

Azken urteetan Europan nagusitzen ari den jarrera da hau: informazio deserosoa publikatzen duten kazetarien aurka salaketak jartzen dituzte, hauek beldurtu asmoz: Cabacasen audioengatik Iñaki Soto eta Iñaki Iriondo deitu zituzten epaitegira, Ahotsakoak terrorismoa goratzea egotzita deklaratzera joan behar izan ziren preso batzuei egin zizkieten ongi etorriei buruz informatzeagatik, Ignacio Escolar eta eldiario.es-ko beste kazetari batek epaiketa izan dute Cifuentesen audioengatik... ez da arraroa jardun hau.

Bilbon, antzeko gertaeran bere burua ikusi zuen Arkaitz Zarragaren eztabaida norbaitek grabatu balu, hori ere epaitegira eramango zutela ulertu behar dugu?

Ez da lehen erasoa ARGIAren aurka, ezta kazetari honen aurka ere. Kalean gertatzen denari buruz informatzen jarraituko dugu, gure bitartekoekin. Kazetaritza ez da delitua. Ez gaituzte beldurtuko. Komunitate sendo batek eusten du proiektu hau eta sostengu ekonomiko eta sozial horri esker kazetaritza independentea egiten jarraituko dugu.

Hori guztia aintzat hartuta, Lander Arbelaitzen aurkako epaiketa bidegabea bertan behera uztea eskatzen dugu eta eskaera horrekin bat egitera gonbidatzen zaituztegu.

Gainera, martxoaren 20an kontzentrazioa deitzen du ARGIAk Donostiako epaitegiaren aurrean 11:30ean. Deialdiarekin bat egiteko ere eskatu nahi dizuegu. Lander Arbelaitzek 11:50ean deklaratzera sartu beharko du.

Eman zure babesa, izen-abizenak eposta honetara bidalita: argiak100urte@argia.eus.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Kazetaritza ez da delitua kanaletik interesatuko zaizu...
2019-04-24 | Amaia Fernández
Hala Bedik Mozal Legearen auzia irabazi dio Eusko Jaurlaritzari
MULTIMEDIA - erreportajea

Mikel Saénz De Buruaga Hala Bediko kazetariari telefono mugikorra apurtu eta 602 euroko isuna jarri zion Ertzaintzak, Gasteizko Errekaleor auzoan izandako polizia-operarioaz informatzeagatik. Azkenean, mozal legearen auzia irabazi egin dio Eusko Jaurlaritzari.


Hizkuntz eskubide urraketaz informatzeagatik epaitegira
Informatzen jarraituko dugu

2019-03-29 | ARGIA
Ertzaintzak Mozal Legeaz zigortutako lehen kazetariaren epaiketa apirilaren 2an izango da

Hala Bedi irratiko Mikel Saenz de Buruaga kazetariari "Herritarren Segurtasun Legea" (Mozal Legea izenez ezaguna) aplikatu zioten Ertzaintzak eta Eusko Jaurlaritzak, 2017ko maiatzean Errekaleorren polizia operazioa grabatu izanagatik. Alegazioetarako bide administratibo guztiak agortu ostean, Hala Bedik 2018ko apirilean iragarri zuen auzitegitara joko zuela, "informatzeko eskubideari eginiko erasoa delako". Apirilaren 2an izango da epaiketa, eta Hala Bedik elkarretaratzea... [+]


Elkarretaratzea Donostiako epaitegi aurrean: "Kazetaritza ez da delitua"
MULTIMEDIA - erreportajea

Bi ertzainek egindako hizkuntz eskubideen urraketa batez informatzeagatik, hedabide honetako Lander Arbelaitz kazetariaren aurkako salaketa jarri dute eta asteazken honetan auzi horrekin lotuta lehen aldiz joan behar izan du Arbelaitzek deklaratzera. “Informatzen jarraituko dugu, kazetaritza ez da delitua” idatzita zeukan pankartarekin elkarretaratzea egin dute ARGIAko lankideek Donostiako Egia auzoan dagoen epaitegiaren aurrean.


2019-03-20 | ARGIA
"Kazetaritza ez da delitua" aldarrikatu du ARGIAk Donostiako epaitegi aurrean

ARGIAko lantaldeak Donostiako epaitegiaren aurrean elkarretaratzea egin du asteazken goizean.


2019-03-13 | ARGIA
400 kazetari eta eragilek ARGIAren aurkako epaiketa bertan behera uzteko eskatu dute

Martxoaren 20an ARGIAko kazetari Lander Arbelaitzek Donostiako epaitegira joan beharko du deklaratzera bi ertzainek bere aurkako salaketa jarri zutelako, irainak egotzita. Arbelaitzek informatu zuen bi agente horiek nola urratu zituzten herritar baten hizkuntza eskubideak. Epaileak ebatzi beharko du epaiketa egingo den ala ez. 300 kazetari eta eragilek babesa adierazi diote ARGIAri, eta epaiketarik ez egiteko eskatuz martxoaren 20an epaitegi aurrean egingo den kontzentraziora deitu dute.


2019-02-05 | ARGIA
ARGIA salatu dute bi ertzainek hizkuntza eskubide urraketa batez informatzeagatik

22125 eta 23044 gisa identifikatu diren bi ertzainek salaketa jarri dute Donostiako Instrukzioko 2. zenbakiko epaitegian, ARGIAko kazetari Lander Arbelaitzen aurka, joan den maiatzaren 21ean Donostian pertsona bati hizkuntza eskubideak nola urratu zizkioten grabatu eta zabaltzeagatik. “Irainak” egotzita bide penaletik salaketa jarri diote eta martxoaren 20an Donostiako epaitegian deklaratu beharko du kazetariak. Ertzaintzak uztailaren 27an sinatutako gutun batean barkamena eskatu... [+]


Azkenak
EGILEA
Eguneraketa berriak daude