"Kapitalaren enegarren ofentsibari" aurre egiteko prestatzen ari da Euskal Herriko Etxebizitza Sindikatuen Sarea

  • Asteburu honetan Hego Euskal Herriko Etxebizitza Sindikatuen II. Topaketak burutu dira Ziordiako Amarauna espazio autogestionatuan." Sarea ehundu enbatari aurre egiteko" lelopean, lau herrialdetako sei sindikatu bildu dira: Iruñeko Haritu!, Gasteizko Auzoan Bizi, Donostiako Saretxe, Hego Uribeko Batu, Galdakaoko Elkarlaguntza Sarea eta Bilboko AZET. Asteburuan zehar, ehun pertsona baino gehiagoren bilgune izan da.

Artikulu hau egilearen baimenari esker ekarri dugu.

2023ko azaroaren 07an - 21:23

Euskal Herriko Etxebizitza Sindikatuen Sarearen zimenduak eta funtzionamendua indartzea izan dira topaketa hauen helburuak. "Zeharkatzen ari garen kapitalaren enegarren ofentsibaren aurrean, enbata gainean dugula jakitun gara; datorkigunaren aurrean geure (etxe)bizitzak defendatzeko, ezinbestekoa zaigu ongi armatutako sarea".

Oraindik orain hastapenetan dagoen sarea da Hego Euskal Herriko Etxebizitza Sindikatuen Sarea, eta Ziordiako egonaldia baliagarri izan zaie egitura zein antolakuntza fintzen jarraitzeko, eta euren arteko harremana sendotzeko.

Larunbateko hitzaldi, tailer eta mahi inguruetan gai ezberdinak jorratu dituzte: "Errentari txikien gaiari heldu genion, elkarlaguntza sareez mintzatu ginen, eta baita hiri baten baitan auzo mailan jarduteaz ere. Puntu horiez gainera, tartea egon zen bestelako gaiez ere jarduteko: turistifikazioaren aurkako borroka, sindikatuen barne egitura, barne kohesioa, uneotan martxan dauden gatazka konkretuak...". Arratsaldean merkatu baten eraketarako gakoez hausnartu zuten, etxe-kaleratzeen aurkako erresistentzian trebatu ziren eta komunikazioan sakondu zuten. Bestetik, igandean sarea bera, sindikatuen barne-antolakuntza, borroka politikoa, eta borroka sindikala aztertu zuten.

Ziordia, beste mugarri bat bidean

Iazko urriaren 29an eta 30ean Goñiko Dorrekoa Euskal Udalekuetan egin zituzten Hego Euskal Herri mailako lehenbiziko etxebizitza sindikatuen arteko topaketak. "Goñiko topaketak maila nazionalean eta elkarrekin batera lan egiten hasteko heldulekua izan ziren, berauen antolakuntza izan baitzen elkarrekin asumitutako lehen erronka".


Irakurrienak
Matomo erabiliz
Azoka
Kanal honetatik interesatuko zaizu: Etxebizitza eskubidea
Haritu: "Familia batzuek sei hilabete daramatzate hotel batean"

Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]


2024-04-09 | Euskal Irratiak
Iñaki Etxeleku: "Gure estatutuek espekulazio merkatutik kanpo ezarri dute gure etxebizitza kooperatiba"

Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.


2024-04-05 | Uriola.eus
Alokairuen laguntzak eskuratzeko baldintzak gogortu direla salatu du Berri-Otxoak plataformak

Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.


2024-04-04 | Gedar
La Caixak hiru familia etxegabetu nahi ditu Bilbon

Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]


Erkorekak GKSk Gasteizen "eragindako istiluak" salatu ditu eta Ertzaintzaren jokabidea babestu du

Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.


Eguneraketa berriak daude