Hiru gizonek taldean bortxatu dutela salatu du Kanboko emakume batek

  • Emakumeak salatu du sexu erasoa egin ziotela Capbretonen (Landetan), larunbat gauean. Erasotzaileek Coco.gg harremanetarako aplikazioa baliatuta antolatu zuten erasoa, France Bleu irratiak iragarri duenez. Asteartean elkarretaratzea egingo dute erasoa salatzeko 19:00etan, Kanbon.


2024ko ekainaren 04an - 11:50
Azken eguneraketa: 16:25
Kanbon elkarretaratzea deitu dute asteartean 19:00etan.

Bortxatzaileek biktima gela batean giltzapetu, eta gainera, pistola batekin mehatxatu zuten. Emakumeak hiru gizonak lo zeudela lortu zuen ihes egitea. Biktimak berehala jarri zuen salaketa, eta hiru gizonak atxilotu zituzten Akizen (Landak).

Céline Bucau, Akizeko prokuradoreordea, tentuz mintzatu da gaiaren inguruan, “ustezko biktima berriz entzuten ari dira, eta oraindik goizegi da zerbait baieztatzeko; gertakariaren xehetasunak ez daude argi oraindik. Ondorengo egunetan argiago ikusi behar genuke, ikerketa hasi besterik ez da egin”, gehitu du Bucauk. Asteartean elkarretaratzea deitu dute Itaiak eta EHBaik erasoa salatzeko, 19:00etan, Kanboko Herriko Etxearen aurrean.

France Bleu irratiak dioenez, ez da lehen aldia Coco.gg harremanetarako aplikazioa antzeko erasoak egiteko erabiltzen dela. Akizen, adibidez, hilabete gutxitan gertatzen den bosgarrena dela jakinarazi du irratiak.

 


Kanal honetatik interesatuko zaizu: Indarkeria matxista
21 urteko fisioterapeuta bat atxilotu dute Bilbon, emakume bati sexu erasoa egitea leporatuta

Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.


18 urteko gizonezko bat atxilotu dute Gasteizen sexu erasoa leporatuta

Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.


2024-06-12 | June Fernández
‘justizia doribelentzat’
Indarkeria matxista intersekzionalaren kasu paradigmatikoa

Gizon bilbotar zuri bat epaitua izan da bere bikotekidea (emakume migratua) bizirik erre izana leporatuta. Feminizidio frustratu horrek agerian uzten du biktimek bizi duten babesgabetasuna, indarkeria matxista arrazakeriarekin uztartzen denean.


2024-06-12 | Ane Labaka Mayoz
Euskaraz jaio

Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]


Etxebarriko emakume batek jasandako sexu-erasoa salatu dute ehunka herritarrek

Igandean egin dute elkarretaratzea, 17:00etan, Zintururi plazan, San Antonio jaietako jai batzordeak, txosnek eta Etxebarriko Udalak deituta. Eraso matxista larunbat goizaldean gertatu zen.


Eguneraketa berriak daude