Bultza kazetaritza independentea
Kanadako Columbia Britaniar probintziak programa pilotu berri bat hasi du, kokaina eta heroina bezalako droga gogorren jabetza despenalizatzen duena kopuru txikitan. Kanadako gobernu federalak mendebaldeko kostaldeko probintziaren eskaera onartu ostean, hiru urte iraungo duen esperimentuan, joan den astetik lurralde hartako herritar helduek 2,5 gramo droga eduki ditzakete, izan kokaina, heroina, baita metanfetamina, fentaniloa eta morfina ere.
Columbia Britainiarreko pilotuak Estatu Batuetako Oregon estatuko programaren ildoa jarraitzen du; Oregonen 2020an despenalizatu zituzten droga gogorrak. Columbia Britainiarrean droga gogorrek legez kanpokoak izaten jarraituko dute baina poliziek soinean edo etxean 2,5 gramo arteko kopuru batean aurkitzen badiete ez dituzte atxilotuko, ez dute salaketarik sufrituko eta ezta beren esku aurkitutako substantziak konfiskatu ere. Aldiz, erabilgarri dauzkaten gizarte- eta osasun-zerbitzuei buruzko informazioa emango diete.
BBCk zabaldu duenez, Columbia Britainiarrean 10.000 pertsona inguru hil dira droga gaindosiz probintzia horrek 2016an substantzia horiengatiko osasun publiko larrialdia deklaratu zituenetik. Orain, Vancouverreko administrazioak ezohiko irizpideekin ekin dio larria gainditzeko lanari: opiazeoen erabiltzaileei eskaintzen dizkie injekzio-guneak, antidotoak eta baita heroina bera ere mediku-errezetarekin izatekotan.
"Drogak kontsumitzen dituzten pertsonen despenalizaziorekin bukatzen dira substantzien kontsumoarekin lotutako beldurrak eta lotsak –esan du Jennifer Whiteside Columbia Britainiarreko Osasun mentalaren eta Adikzioen ministroak. Administrazioak arau berrietara egokitzeko ikastaroak eskaini dizkie probintziako poliziei, Vancouver hirikoak barne. Programa pilotu hau indarrean egongo da hiru urtez, 2026ko urtarrilaren 31ra arte, beti ere tartean gobernu federalak eteten ez badu.
Araubide berriek badute hainbat salbuespen. Drogen salmentak legez kanpokoa izaten jarraitzen du. Legez kanpokoa den moduan eskoletako, haurtzaindegietako eta aireportuetako eremuetan drogak edukitzea.
Kanada osoan herritar helduek 2018tik daukate legeztatuta aisialdiko kanabisa erabiltzea eta dendetan saldu daiteke.
Jose Luis Etxebarria Porru 1982tik 2012ra izan zen Arrasateko udaltzainburu, eta frogatu zuen droga Donostiako Intxaurrondoko eta Bilboko La Salveko kuarteletatik eramaten zutela herrira. Azaroaren 20an hil da, 65 urte zituela.
2019tik 2020ra bitartean %30 igo ziren alkoholaren gehiegizko kontsumoak eragindako heriotzak, azken bi hamarkadetako goranzko joera zorroztuz. Hiru aldiz gehiago dira alkohola tarteko hil diren estatubatuarrak, kausa nagusia ez izan arren.
Sylvia Kay ikertzaile da, eta nekazaritza eta ingurumen justiziarekin, elikadura sistemarekin eta lur eta natur baliabideen politikarekin lotutako gaiak jorratzen ditu. The Ecologist hedabidean uztailean argitaratu eta Creative Commons lizentziari esker ekarri dugun artikuluan... [+]
Ertzain bat atxilotu dute ostegunean, ustez droga-trafikoan aritzeagatik. Bere etxean 54 kilo kokaina atzeman dituzte. Ez da lehen aldia EAEko poliziako kideak narkotrafikoarekin nahasita harrapatu dituztenak.
Algortan, Azpeitian, Baionan, Bilbon, Gasteizen, Santurtzin, Villabonan, Zarautzen eta Zierbenan salatu dute emakume askok ziztatuak izan direla. Horrez gain bi gizonek emakume bat bortxatue dute Zizurkilen.
