“Kalean dauden gazteek aukera bat bakarrik behar dute motibazioa lortzeko”
Duela urtebete heldu zen Bilbora Ayoub Mazar 22 urteko gazte marokoarra. Hasiera oso gogorra izan zuen: kalean bizi behar izan zen denboraldi batez, baina, aitortzen duenez, bere irmotasunari eta Agharas elkartearen laguntzari esker, aurrera ateratzea lortu zuen. Orain, arabiar klaseak ematen ditu Algortako Gaztelekuan, eta, gainera, euskara ikasten ari da, baita etorkinen errealitatea ikustarazten duen Eskutik Eskura ekimenean lan egin ere.
Nondik dator arabiar hizkuntza irakasteko klaseak eskaintzearen ideia?
Kalean bizitzen ari nintzenean, Barakaldoko Agharas elkartea ezagutu nuen. Horiek laguntza eman zidaten bertakotze-prozesuan, eta erakundean boluntario gisa hasi nintzen lan egiten, ni bezala kalean bizi diren beste gazte batzuei laguntza emateko. Horrela, Eskutik Eskura egitasmoan parte hartzen hasi nintzen; eskoletan etorkinen esperientzia kontatzen, hain zuzen ere. Horren harira, Getxora etorri ginen bertako boluntarioakaz hitzaldi bat ematera, eta, bertan, zinegotziagaz elkartu ondoren, Gaztelekuan arabiar klaseak emateko proposamena egin zidan. Niretzako esperientzia ederra izan zitekeela pentsatu nuen; bizitza berri bat hasteko aukera nuela ikusi nuen.
Nolakoak dira ematen dituzun klaseak?
Eguaztenetan egiten ditugu, arratsaldeetan, eta bederatzi ikaslek osatzen dute taldea. Horien artean denetarik dago, etorkinak ere bai; horrek asko aberasten ditu klaseak, bakoitzaren bizipenak kontatzen ditugulako. Arabiera ikasteaz gain, Marokoko kultura ezberdinak, gastronomia edo etorkinen errealitatea ere aztertzen ditugu. Gainera, klaseak aspergarriak ez izateko, egunero gauza ezberdinak egiten saiatzen naiz, tailerrak eta horrelakoak, besteak beste.
Coach profesionala ere bazara. Baina, zer da hori?
Coaching-a motibazio pertsonalagaz lotuta dago, eta horren helburua da jendearengan eragitea, hau da: motibazioa sortzea. Nik hori klaseetan erabiltzen dut ere, ikuspegi positibo batetik abiatzeko. Adibidez, jende asko dago bizitzan inolako helbururik ez duena, gaur gaurkoz bizitzen dena, etorkizunerako planik gabe dagoena. Bada, coaching-aren bitartez horri irtenbide bat ematen saiatzen gara. Etorkinak diren gazte asko dago galduta, eta Marokon ikasi nituen Coaching baliabideak erabiltzen ditut motibazio hori ematen saiatzeko, gazteek euren helburuak finka ditzaten. Azken finean, kalean dauden gazte horiek aukera bat bakarrik behar dute motibazioa lortzeko. Batez ere ikasi dut hori nola transmititu behar den, eta, hori baliatuta, etorkin gazteakaz berba egiten dut, horiek ere motibatzeko.
Agharas erakundeagaz egiten duzu lan, zein da bere helburua?
Barakaldoko Imazhigen edo bereberren kultur elkartea da. Hainbat ekintza antolatzen dituzte, besteak beste, kalean bizi diren etorkin gazteei laguntza ematen diete; adibidez, egunero prestatzen ditugun afarien arduraduna naiz ni. Etorkin gazteei denboraldi baterako geratzeko toki bat ere eskaintzen die elkarteak. Horretaz gain, arabiar, gaztelera eta euskara ikasteko klaseak ere eskaintzen dituzte, eta ni bertan nago euskaran trebatzen.
Bartzelonako Coòpolis Ateneo Kooperatiboak bultzatzen duen Migrazioaren eta Ekonomia Solidarioaren Zirkuluak joan den urriaren 4an Katalunia Plazan antolatu zuen azokan sartu zen polizia. Ekitaldia aurrera eramatea eragozteaz gain, antolatzaileek eraso fisiko zein... [+]
Baionako prokuradore ordeak 1.000 eta 1.500 euro bitarteko isunak eskatu ditu zazpi auzipetuetatik seientzat, 2024ko Korrikan 36 migratzaileri “talde antolatuan” muga zeharkatzen laguntzea leporatuta. Ebazpena abenduaren 16an jakinaraziko dute.
Kanaria uharteetako kostaldera iritsi nahian ari ziren, baina Mauritanian urperatu zen ontzia. Desagerturik jarraitzen dute 100 pertsonak baino gehiagok.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]