ARGIA.eus

2021eko azaroaren 30a

“Justizia” eskatu dute Elhadji Ndiayeren heriotzaren bosgarren urteurrenean

  • Africa United elkarteak prentsaurrekoa eman du Espainiako Poliziak atxilotu zuen toki berean. Estatuak gertatua “isilarazi” nahi duela eta Ndiayeren familiak ez duela inolako kalte ordainik jaso salatu dute.

ARGIA @argia
2021eko urriaren 25a
Argazkia: ahotsa.info

Bost urte joanagatik, kasua argitu gabe jarraitzen duela salatu du Africa United elkarteko Modou Faye Beltxa bozeramaileak: “ Atxiloketaren hainbat xehetasun ilunpean dira oraindik: zergatik atxilotu zuten? Nola hil zen, kasualitatez, Poliziaren esku zegoela?”. Lekukoek grabatutako bideoak erakutsi zuten moduan, 2017ko urriaren 25ean Espainiako Poliziak Ndiaye atxilotu zuen Iruñeko Marzelo Zelaieta kalean. Bortizki lurrera bota eta inmobilizatu egin zuten hainbat minutuz, arrastaka eraman zuten arte. Ordubetera hilda zegoen, General Chinchilla komisarian. Hurrengo egunean auzi medikuak ebatzi zuen “kausa naturalengatik” hil zela jatorri senegaldarreko Arrotxapeako bizilaguna.

Justizia eta kalte ordaina

“Ez dugu inoiz sinetsi bertsio ofiziala”, adierazi du Fayek prentsaurrekoan. Espainiako Estatua kasua isilarazi nahi duela salatu du, “ baina Africa Unitedek ez du halakorik onartuko. Justizia eta ordaina exijitzen ditugu. Ez diegu amore emanen xantaiei, ezta bidean jartzen dizkiguten trabei ere”. Azaldu du Ndiayeren senide batek salaketa jarri zuela Espainiako Poliziaren aurka, eta horren ondorioz familiari kalte ordaina ordaintzeko prozesu bat abiatu zela. Baina gaur egun Ndiayeren alargunak ez du prozesuaren inguruko inongo informaziorik: “ Elhadjiren alargunak eta seme-alabek ez dakite deus ere, ez dute dirurik boligrafo bat erosteko ere”. Africa United eskatu du kalte ordaina emateko familiari, eta “ egin dadila justizia eta argitu dadila auzia”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Arrazakeria  |  Bazterkeria  |  Polizia gehiegikeria

Arrazakeria kanaletik interesatuko zaizu...
2021-11-26 | June Fernández
Arrazakeria saltokietan
Erosketak egitea amesgaiztoa da emakume ijitoentzat

Kriminalizazio praktikak barra-barra erregistratu ditu AMUGE elkarteak Bizkaiko supermerkatu eta merkataritza-zentroetan egin duen ikerketa baten bidez. Egunero bizi dituzten umiliazio publikoen berri eman nahi izan dute, aurkitzen duten babesgabetasun juridiko eta soziala... [+]


ELAk ere bat egin du eskola publikoaren aldeko azaroaren 6ko manifestaziorekin

LAB, STEILAS, CCOO, ESK eta CNT sindikatuez gain, ELAk ere mobilizaziora joateko deia egin du ostegun honetan, baita beste eragile andanak ere. Euskal Eskola Publikoaz Harro Topaguneak antolaturik, azaroaren 6an eginen dute manifestazioa Bilbon.


2021-10-10 | Koldo Aldalur
Mohamed

Uste dut 2009ko udara partea izango zela Mohamedekin lehen berriketaldi luzea izan nuenean. Denda jarri berri zuten gure etxe inguruan eta bertara jo nuen zer eskaintzen zuten ikustera. Hasieratik iruditu zitzaidan pertsona interesgarria.

- Oye, tu entiendes presidente... [+]


Igo egin dira arrazakeriari eta xenofobiari lotutako delituak Nafarroan

A Coruñako Unibertsitateak (Galiza) egindako ikerketa batean zehaztu dute hamabost gertakari arrazista atzeman dituztela Nafarroan 2020an: 2019an baino bost kasu gehiago. Halere, erasoen %80 estatistiketatik kanpo gelditzen direla esan dute, biktimek ez dituztelako... [+]


Bigarren Mundu Gerratik hona egondako bizi esperantzaren jaitsiera handiena eragin du pandemiak

27 herrialdetan, herritarrak bizi diren urte kopurua urtebete baino gehiago murriztu da. Koronabirusa ez ezik, beste faktore batzuek ere eragin dute hilkortasun-tasa handitzea: pobreziak, egiturazko arrazakeriak eta beste gaixotasun batzuen tratamenduen atzerapenak.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude