Julio Sotori elkarrizketa, 2015eko Nafarroako Bertsolari Txapelketa irabazi berritan
Nafarroako Bertsolari Txapelketa hirugarrenez irabazi du Julio Sotok. Edizio "garratza eta mikatza" izan da, anaia txikia istripuan hil eta hilabetera iritsi zitzaion eta.
Sotok biziki eskertu du zaleen zein bertsokideen berotasuna, eta bertsoak zutik mantentzen lagundu diola dio. Pozik da txapela lortu duela-eta, baina txapelak zein txapeldunak mitifikatzearen aurkakoa da.Honatx Metropoli Forala saioan Julio Sotori egindako elkarrizketako pasarte zenbait:
“Finala ezin da ulertu anaiarekin lotu gabe”
"Txapelketa egia esan nahiko garratza eta mikatza izaten ari da. Baina horrelaxe etorri zen txapelketa, istripua gertatu eta bi astera. Zalantza asko eduki ondoren parte hartzea erabaki nuen. Eta ez naiz damutu. Bertsoak lagundu dit zutik mantentzen. Emozio asko bizi izan ditut oholtza gainean. Eta azkeneko agurra berari kantatzeko gogoa neukan. Txapelketa osoan sentitu dut bion arteko zerbait zela, oso gertu sentitu dut anaia, eta espero dut aurrerantzean ere hala izatea. Nahiko mingarria zait gai honi buruz hitz egitea. Badakit hitz egin behar dela, eta aurtengo finala ez dagoela ulertzerik gai honi lotu gabe".
“Hasieratik sentitu nuen jendearen berotasuna”
"Lehendabiziko agurretik sentitu nuen publikoa oso gertu nuela. Berotasun hori sentitu dudan bezala txapelketako aurreko saio guztietan. Egunero sentitzen dudan bezala. Baina jendaurrean ari denean, final batean ari denean bertsolariak horrelako berotasuna sentitzea oso garrantzitsua da, eta halako zerbait tartean gertatu denean are gehiago. Jendeari eskerrak eman besterik ez daukat. Denon artean lortu genuen larunbatean lortu genuena".
“Txapelduna izateak ez du bereziki ezer esan nahi”
"Txapelak esan nahi du arratsalde horretan 18 bertso horietan zu izan zarela gehien asmatu duen bertsolaria. Txapela horri lotu behar zaiola uste dut. Badugu joera txapelak mitifikatzeko eta txapeldunak estralurtar batzuk balira bezala marrazteko, eta ez da beste munduko ezer. Egia da hurrengo bi urteetan agian saio gehiago edukitzea egokituko zaiola txapeldunari, baina egia esan nik gustu handiz egiten ditut horrelako gauzak eta konpromiso horiek".
“Bertsoa nire bizitzaren zentralitatetik kentzen ari naiz”
"Izan da garai bat bertsoak toki zentral bat zuela nire bizitzan. Kasik bertsoarentzat bizi nintzen, dena zen bertsoa. Zorionez azken urte eta erdi honetan lortu dut edo lortzen ari naiz zentralitate hori kentzea bertsoari. Oraindik oso toki garrantzitsu batean dago. Eta beti egongo da oso toki garrantzitsu batean. Baina saiatzen ari naiz zentralitatea beste gauza batzuei ematen, dela familia, lagunak edo beste arazo handiago batzuk".
Bere lizentziari esker, Euskalerria.eus-etik jasotako elkarrizketa.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
