Jose Mari Sagardui "Gatza" Zornotzara bidean da kartzelan 31 urte egin ostean
Ukabila altxatuta eta amnistiaren aldarrikapena soinean irten da Jose Maria Sagardui "Gatza", 9:00ak inguruan, Jaengo kartzelatik. 35 bat pertsona bildu dira atarian preso ohiari ongietorria emateko, horien artean, lagunak, senideak, ezker abertzaleko ordezkariak, preso ohiak eta abokatuak. Gatza izan da Europan arrazoi politikoak medio, denbora gehien kartzelan egin duen presoa.
Arratsaldean Zornotzan egitekoa zen harrera eta larunbatean antolatuta dagoen ekitaldia debekatu ditu Grande Marlascaren eskariz Herrizaingo Sailak.
Apirilaren 30ean, Espainiako patronala den CEOEk argazki horixe zintzilikatu zuen sareetan: ezkerrean dago Antonio Garamendi, CEOEko presidente den Getxoko semea; eta eskuinean Alfonso Santiago bilbotarra, musika festibalen munduan dabilen Last Tour promotorako burua, Eusko... [+]
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]