Jesús Mari Altable eta Josu Urbieta euskal preso politikoak kalean dira
Altable astelehenean irten da Iruñeko espetxetik, 27 urte preso eman ostean. Josu Urbieta azpeitiarra larunbatean irten zen Mont de Marsan espetxetik, hamabi urteren ostean.
“Jesús Mari Altable Etxarte preso politiko iruindarra aske geratu da. Iruñeko espetxetik atera berri da 27 urte eta erdi espetxean egon ostean” jakinarazi du Etxerat elkarteak. Jesús Mari Altable ‘Txuma’ txantrearrak senide eta lagunak zituen zain espetxearen atarian.
Altable 1994an atxilotu zuen Frantziako Poliziak, preso jarraitzen duen Alberto López de la Calle arabarrarekin batera. 1999an entregatu zion Frantziak Espainiari, gose greban zegoela. Hainbat espetxe ezagutu ditu, eta Iruñekoan 2021az geroztik zegoen.
Josu Urbieta ere libre
Larunbatean Josu Urbieta Alkorta euskal preso politiko azpeitiarra izan zen askatasuna berreskuratu zuena, hamabi urte preso eman ostean. Frantziako Mont de Marsan espetxean zegoen, eta Frantziako Estatutik kanporatua izan ostean libre geratu zen.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.