ARGIA.eus

2021eko urriaren 28a

Jendetza bildu da Gasteizen, azken hilketa matxista salatzeko

  • Asteazken arratsaldean Gasteizko mugimendu feministak deituriko mobilizazioan zientoka lagunek igaro dituzte hiriburuko kaleak, Erika Tavares herrikidearen hilketa salatzeko.

ARGIA @argia
2021eko urriaren 14a
Jende andana bildu da Gasteizko Andra Mari Zuriaren plazan, hilketa salatzeko (argazkia: Gasteizko Mugimendu Feminista)

Gasteizko Sansomendi auzoan gizonezko batek 37 urteko emakumea hil duela salatzeko manifestazio jendetsua egin dute asteazken iluntzean Gasteizen. Banatzeko bidean zen bikotekidea labanaz hil ondoren, bere buruaz beste egin zuen gizonak, adin txikiko bi semeak etxean zirela.

Erika Tavares hildako emakumea gogoan hartu eta Eraso sexistarik ez! Autodefentsa feminista! lelopean mugimendu feministak egindako deiari jarraiki, ehundaka izan dira mobilizaziora batu diren herritarrak. Mugimenduak "haserrea amorrua eta nazka" adierazi du, Euskal Herrian aurten jadanik bosgarren hilketa matxista den honen aurrean.

Tavares langile zen Mercedes-eko lankideek ere elkarretaratzea egin dute autogintza lantegiaren atarian, txalo zaparrada batez. Ostegunarekin mobilizazio gehiago iragarri dituzte Euskal Herirko beste hiriburu eta herri askotan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Gasteiz  |  Autodefentsa feminista

Indarkeria matxista kanaletik interesatuko zaizu...
Azkenak EGILEA
Argia buletina
Egunaren laburpena
zure e-postan
Eguneraketa berriak daude