“Jauzi” martxan da Barakaldon, etxerik gabeko migranteentzako harrera-etxea
Bizkaian bizi diren amazighen elkarteak, Agharasek, irailaz geroztik irekiko ditu "Jauzi" harrera-etxearen ateak, Barakaldon etxerik gabeko migratzaileak aldi baterako hartzeko asmoz.
Agharasek, Bizkaiko amazigh herriaren elkarteak, beste urrats bat egin nahi du Barakaldon egiten duen elkartasun lanetan. Elkarteak jakinarazi duenez, hilaren 15ean pisu bat irekiko dute kalean bizitzera behartuta dauden migratzaileei aldi baterako harrera egiteko. "Ez ginen horretarako jaio, baina azken bi urteetan pertsonen harrera izan da elkarteak baliabide eta ahalegin gehien bideratu dituen esku-hartze eremuetako bat", azaldu dute.
Harrera-etxeak lau lagunentzako lekua izango du aldi berean, eta hiru hilabeteko egonaldietan hartuko dituzte. Ridouane Chakouch Agharaseko presidenteak adierazi duenez, elkarteak hilabete eta erdi darama lanean etxebizitza prest jartzeko, eta elkarteko kideek eta boluntarioek modu parte-hartzailean kudeatuko dute. "Harrerako pertsonak elkarrizketatzen ari gara. Modu duinean egotea da helburua ", adierazi du. Etxebizitzaren helburua, gainera, migrazioari eta erabiltzaileen autonomiari lotutako arazoen prebentzioan lan egitea izango da, eta hezkuntza eta parte-hartze komunitarioko irizpideak hartuko ditu kontuan.
“Jauzi” izandatu dute. Barakaldon Agharas elkartea garatzen ari den ekimen solidarioen zerrenda luzeari gehitu zaio. Besteak beste, gaztelania eta euskara eskolak, mantak biltzea edo etxerik gabeko pertsonentzako afariak banatzea eta administrazioarekin izapideak egiteko laguntzak luzatzea, beste askoren artean. Ohartarazi dutenez, azken urteetan garatu diren zerbitzuak gorabehera, “argi dago ez direla nahikoak" udalerriko errealitaterako.
Jauzi Agharasen baliabide propioekin abiatu bada ere, herritarren laguntza beharko duela aitortu du, izan alokairu, ur, argi zein tasa komunitarioen gastuei aurre egiteko. Horregatik sortu du elkarteak Jauzi-Kide kolaboratzaile eredua, urtero proiektua sostengatzeko nahi duten diru kopurua dohaintzan emateko. Trukean, horrekin lotutako opari bat jasoko dute languntzaileek, bai eta memoria bat ere, emandako diruari eman zaion erabilera zehaztuz.
Enpresa eta elkarteentzat ere antzeko figura bat egongo da, Harrera-kide izenarekin. Laguntza ekonomikoaz gain, laguntza horiek unean uneko lankidetzan edo zerbitzu zehatzekin ere lagundu ahal izango dute. Ordainetan, identifikazio-bereizgarri bat emango zaie. Era berean, laguntza-lanetarako eta mantenu-lanetarako boluntario-talde bat sortuko da, harrera-kideei laguntzeko.
Parte hartu nahi dutenak elkartearekin harremanetan jar daitezke agharas.as@gmail.com emailera idatzita. "Ziur gaude, gure iraganari, orainari eta etorkizunari erreparatuta, pertsona guztien artean harrera-udalerri bihur dezakegula gurea", adierazi dute.
Martxoaren 27an "presio migratorioa kontrolatzeko eta trafikatzaile-sareak deuseztatzeko" indarrean ezarritako dispositiboak Bidasoaldeko muga, eta departamenduko bide, tren-geltoki zein nazioarteko autobus zerbitzuetan kontrolak zorroztu ditu. Horietatik, egoera... [+]
Bartzelonako Coòpolis Ateneo Kooperatiboak bultzatzen duen Migrazioaren eta Ekonomia Solidarioaren Zirkuluak joan den urriaren 4an Katalunia Plazan antolatu zuen azokan sartu zen polizia. Ekitaldia aurrera eramatea eragozteaz gain, antolatzaileek eraso fisiko zein... [+]
Baionako prokuradore ordeak 1.000 eta 1.500 euro bitarteko isunak eskatu ditu zazpi auzipetuetatik seientzat, 2024ko Korrikan 36 migratzaileri “talde antolatuan” muga zeharkatzen laguntzea leporatuta. Ebazpena abenduaren 16an jakinaraziko dute.
Kanaria uharteetako kostaldera iritsi nahian ari ziren, baina Mauritanian urperatu zen ontzia. Desagerturik jarraitzen dute 100 pertsonak baino gehiagok.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]