Eusko Legebiltzarrean eztabaidatu dituzte euskarazko hedabideentzako diru laguntzak
Eusko Jaurlaritzak irismenean oinarritutako diru laguntza banaketa berria defendatu du, nahiz eta “zer hobetua” dagoela aitortu. Eusko Legebiltzarrean egin dute agerraldia Hizkuntza Politikarako sailburuorde Patxi Baztarrikak eta Hezkuntza Sailburu Cristina Uriartek. Uriartek adierazi du “pozik eta harro” dagoela hedabideei emandako diru-laguntzekin.
Irismena hedabideen kontsumitzaile potentzial eta hedabideak duen zabalkundearen arteko harreman gisa azaldu du Baztarrikak. “Euskal hiztunek komunikazioaren munduan gogoko dituzten produktuak lehenetsi behar ditugu guk”. Irizpide berriak “hainbat eragilerekin” eztabaidatu zituela adierazi du, eta nahiz eta sektorearekin akordioa lortzeko jarrera duten, adostasuna ez dela “ezinbestekoa” adierazi du.
Berria egunkariari “konfrontazio dinamika” abiaraztea aurpegiratu dio Uriartek. Azken asteotan jaso dituzten hainbat kritika “erasokorrak” izan direla ere gehitu du. Euskara ez instrumentalizatzeko eskatu du eta elkarlanerako eskaria egin du.
Alderdien iritzi kontrajarriak
EH Bilduren ordezkari Xabier Isasik Jaurlaritza kritikatu du irizpide aldaketagatik. “Euskararen estatusa” hobetzea izan behar dute helburu beren ustez. “Komunitate batek arriskuan ikusten badu bere idatzizko euskarazko egunkari bakarra, demokraziaren auzia dugu aurrean”.
PSEko Vicente Reyesek adierazi du Eusko Jaurlaritzak 2013. urtera arte emandako diru laguntza irizpideak jotzen dituztela egokiago. “Jaurlaritzak esparru orokorreko hedabideak lagundu behar lituzke, eta udalerrien esku utzi tokian tokikoen finatzaketa”.
EAJk Jaurlaritzaren irizpide aldaketa defendatu du eta Berria egunkariari “pluraltasuna” eskatu dio. Garbiñe Mendizabalek adierazi du, jendartean zabalduta dagoela “ezker abertzalearen tresna” dela egunkaria.
Irismena oinarri, diru laguntza aldaketa
Jaurlaritzak emandako diru laguntzetan aldaketak izan dira aurten. Besteren artean, Berria 210.000 euro gutxiagorekin lagunduko du Eusko Jaurlaritzak. 1,3 milioi euro jasoko ditu egunkariak, hura sortu zenetik laguntzarik txikiena.
Beste hainbat hedabiderekin batera, ARGIAren Interneteko guneak %20 gutxiago jaso du.
Agerraldia ikusi osorik Irekia.com bidez
Fuente: Irekia - Eusko Jaurlaritza - Gobierno Vasco
Informazio gehiago
Euskarazko hedabideentzako 2014ko diru-laguntzak: albiste eta iritzien bilduma
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Abenduaren 3an alderdi eta eragile politikoek euskararen inguruko beren irakurketa politikoak argitaratzen dituzte. EAJk ere egin du berea Euskara, Euskal Herriaren izana izenburupean. Urte askoan Araba, Bizkaia eta Gipuzkoako hizkuntza politiken ardura izan duen, eta egun ere... [+]
Gai tabu gisa marrazten da Euskal Herrian, baina munduan barna ez da horrela. Hizkuntz politikak ezin dira merkatu librearen logikan ipini, baizik eta kuotak edo kupoak ezarri behar dira. Beharrezkoak dira. Eta beharrezkoak dira daudenak betetzea, ez baititu inork betearazten.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]