Frackingaren aurkako ekimen legegilea eztabaidatu gabe arbuiatzea salatu du Fracking Ez Arabak
EAJk eta PPk asteartean frackingaren kontrako Herri Ekimen Legegilea (HEL) atzera botatzean izandako jarrera salatu du Fracking Ez Arabak komunikatu batean. Ekimena lehen fasean arbuiatu dute, hau da, Legebiltzarrean eztabaidatu aurretik. Hasiera batean, EH Bilduk bakarrik bozkatu zuen alde, eta behin helegitea aurkeztuta PSE-EE gehitu zitzaion.
Fracking Ez Arabak dio EAJri eta PPri ez zitzaiela komeni HELak aurrera jarraitzea. Izan ere, nabarmendu dute alderdi horiek ez dutela milaka sinadurek babestu dutenaren kontra egitearen “kostu politikoa” ordaindu nahi. Erakundearen arabera, orain arteko jarrerak erakusten du EAJk eta PPk frackingaren aldeko pausOak ematen jarraitu nahi dutela. Alderdi horiek diote ez dutela ekimena onartu Arabako Foru Aldundia antzeko proposamen bat aztertzen ari delako.
Bestalde, azpimarratu dute Herri Ekimen Legegileak ez direla “herri mugimenduei egiten dieten oparia”, eta behintzat, Legebiltzarrean eztabaidatu beharko liratekeela. Fracking Ez Arabak gaur argiago du “zeintzuk diren seinalatu beharreko jarrerak eta desegin beharreko diskurtsoak” eta adierazi du ez dutela amorerik emango.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]