Jaurlaritzak alerta aktibatu du Bizkaiko eta Gipuzkoako kostan, plastikozko bolatxoengatik
Itsasontzi batek galdutako milioika ‘pellet’ iristen ari dira Galizia eta Asturiasko itsasertzera. AZTI-ko ikertzaileek kalkulatu dute datozen asteetan heldu daitezkeela euskal kostaldera, eta sortzen duten kutsaduraz ohartarazi dute. Jaurlaritzak itsasoan bildu nahi ditu bolatxoak, kostara iristea saihesteko.
Asteartean Itsasertza alerta plana abiatu du Eusko Jaurlaritzak, Gobernu Kontseiluaren bilkuran, El Diariok jakinarazi duenez. AZTI zentro teknologikoko ikerlariek kalkulatu dutenez, litekeena da korronteen ondorioz datozen asteetan edo hilabete barru plastikozko bolatxo kutsakorrak iristea Euskal Herriko kostara. Jaurlaritzak aurre hartu nahi dio Galizia eta Asturiasko itsasertzetan ‘pellet’ horiek sortutako krisiari, “arriskuak sor ditzakeelako pertsonengan eta ondasun materialetan”, eta Arantxa Tapia Ingurumen sailburuak astelehenean aurreratu zuenez, Bizkaiko eta Gipuzkoako kostaldera plastikozko bolatxoak iritsi aurretik “ekintza-mekanismoak” diseinatzen dihardute; Josu Erkoreka lehen lehendakariordea eta Segurtasun sailburua da krisi mahai honen burua, El Diariok jaso duenez.
Planaren helburua da saihestea bolatxoak itsasertzeraino iristea, eta aldez aurretik itsasoan bertan jasotzea. “Zailtasunak” izango dituztela iragarri dute, bolatxoak dilista baten tamainakoak baitira, batzuetan ia ikusezinak. Itsasotik ‘pellet’ak jasotzeko aurreikusi dute Arrantzaleen Kofradien Federazioekin lankidetzan aritzea, haiek arduratu daitezen. Jaurlaritzak asteartean jakinarazi du posible diren bitartekari eta baliabideak jarriko dituztela ‘pellet’en garbiketarako, eta Gipuzkoa eta Bizkaiako Diputazioekin adostu dute hondartzen garbiketan lagundu beharko dutela, behar izanez gero. Gainera, AZTIri eskatu diote Galiziako eta Asturiasko kostaldean agertutako bolatxo zurien mugimendua monitorizatzeko, etengabe zaintzapean izan ditzaten.
Beste Prestige bat?
Tapiak azpimarratu du ez dela “inola ere Prestige-ekin konparatzeko modukoa”. Halere, bolatxoen toxikotasuna neurtuko dute, hegazti eta arrainengan izan ditzakeen kalteak ondorioztatzeko, eta elikaduran eragina izango duen jakiteko.
Oihane Cabezas AZTIko ikerlariak Eitb-n azaldu du bolatxoen ondorioz arrainak hiltzen direla: “Arrainen arrautzen oso-oso antzekoak dira eta, horregatik, hegaztiek eta beste arrain batzuek ere irentsi egin ditzakete. Urdailean pilatuta gelditu daitezke, eta asko irentsita, urdailak bete egiten dira eta animalia horiek hil egiten dira, ezin direlako elikatu”. Ingurumenean ere kalteak ditu: “Ingurunean geruza moduko bat sortzen dute, eta hor dauden florak eta ezin du fotosintesia egin”. Cabezasek ohartarazi du ‘pellet’ak txikitu egin daitezkeela, higadura dela eta, mikroplastiko bilakatzen direla, eta kalteak areagotu.
Abenduaren 8an karga galdu zuen itsasontzi batek Portugalgo iparraldean, eta abenduaren 13an plastikozko milioika bolatxo zuri agertzen hasi ziren Ribeiran, Galizian. Astez aste bolatxoak Galiziako eta Asturiasko kostaldera zabaldu dira, eta ekologistek salatu dute gobernuak ez duela behar bezala kudeatu isurketa; Espainiako Ingurumen Fiskaltzak ikerketa abiatu du. Herritar boluntarioak ari dira hondartzetako ‘pellet’ak jasotzen.
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]