Jaurlaritza gertuago Kantabriatik Nafarroatik baino?
Araba, Bizkaia eta Gipuzkoako herritarrek Kantabriara joan ahalko dute lehenago, Nafarroara, Lapurdira eta Zuberoara baino. Ekainaren 19an irekiko dute EAE eta Kantabria arteko bidea eta aldiz, dena ongi badoa ekainaren 21ean zabalduko da Euskal Herri osoan barrena ibiltzeko aukera: batetik, Hego Euskal Herrian larrialdi egoera amaituta Nafarroa eta EAE artean mugitu ahalko delako eta bestetik, Espainiako eta Frantziako Gobernuek muga irekiko dutelako. Kantabriara modu ilegalean joandako Osakidetzako eta Ertzaintzako karguak albiste izan dira hilabeteotan.
Ekainaren 15ean telefonoz adostu dute Kantabriako Miguel Angel Revillak eta Iñigo Urkulluk, asteburu bat gehiago irabaztea bi autonomia erkidegoen joan-etorrietarako. Ekainaren 18an aurrez aurre bilduko dira Gasteizen.
Konfinamendu agindu eta Castrora egindako "eskapada" horiek
Guardia Zibilak jarritako isunen ondorioz jakin da bakoitza bere lurraldetik ateratzeko debekua egon den garaian hainbat karguk araua hautsi duela.
Maiatzaren 5ean jakin zen Osakidetzako osasun-larrialdietarako burua, Jon Sanchez Ibarluzea, Castro Urdialeseko bigarren etxebizitzara joan zela. Albistea publiko egin eta biharamunean dimititu egin zuen.
Maiatzaren 18an jakin zen Sestaoko ertzain etxeko komisarioa, Castro Urdialesen harrapatu zuela Guardia Zibilak, auto ofizialean, bajan egon arren. Bertan bizi zela argudiatu zuen baina ez dago bertan erroldatuta.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]