Jone Amezaga atxilotu du Ertzaintzak bortizki
Ertzaintzak astelehen goizean atxilotu du Jone Amezaga gaztea Gernikako merkatu plazan. Lekukoek kontatu dutenez, polizia autonomikoak modu bortitzean egin du atxiloketa, borra hedagarriak erabiliz besteak beste. Manifestazioa deitu dute atxiloketa salatzeko: 20:00etan abiatuko da Merkurio plazatik.
Topatu proiektu komunikatiboak, Herri Librea ekimenak eta ARGIAk elkarlanean egindako bideo honetan jaso dugu atxiloketa:
Axier Lopez ARGIAko kazetariak bertatik kontatu du atxiloketa Twitter bidez.
Aspaldi nik ikusi gabeko biolentziaz eraman du Ertzaintzak Jone merkatu plazatik pic.twitter.com/ps351d2uVI
— Axier Lopez (@axierL) December 15, 2014
Merkatu plazaren erdira sartu dira borra extensibleak eskutan kalez jantzitako ertzainak eta ondoren uniformatuak pic.twitter.com/ovhGgcxVJI
— Axier Lopez (@axierL) December 15, 2014
Badoaz Jone atxilotuta. "euskaldunen lotsa zarete" oihukatzen ari da jendea #herrilibrea pic.twitter.com/Ji5COMpTQg
— Axier Lopez (@axierL) December 15, 2014
Lagun asko kolpe eta zauriz beteta daude, tartean Joneren aita eta lagunak. Jendea amorruz negarretan eta txaloka pic.twitter.com/rSiRob7qAh
— Axier Lopez (@axierL) December 15, 2014
Salaketa jarriko dute legez kanpokoak diren borra extensibleak erabiltzeagatik, besteak beste #HerriLibrea pic.twitter.com/cj6ZH0lwBR
— Axier Lopez (@axierL) December 15, 2014
Irudian argi ikusten da kalez jantzitako ertzainek legez kanpoko "borra extensibleak" erabili dituztela #HerriLibrea pic.twitter.com/4VDFbXWLxD
— Axier Lopez (@axierL) December 15, 2014
Xabier Arriaga 'Txiplas' Joneren aita jipoitu duten unea, alaba babesten ari zela #HerriLibrea pic.twitter.com/yKYt8o69ms
— Axier Lopez (@axierL) December 15, 2014
Ertzaintzak, airean eta kolpe artean, eraman du #JoneLibre atxilotuta #herriLibrea Arg: @erlantzortiz pic.twitter.com/YrJ62vwEpk
— Axier Lopez (@axierL) December 15, 2014
Informazio gehiago
- - Herri Librea argazkitan
- - [Bideoa] Jone Amezaga: "Jendeak erakutsitako konpromisoak egingo du herri hau libre"
- - Ertzaintzak ez du herri harresirik nahi
Asteburuko ekintzak
Larunbat goizean Gernika "Herri librea" aldarriz bete zuten bertaratutako ehunka lagunek. Ondoren bazkari herrikoia egin zuten gernikarrek egindako ekarpenekin.
15:30ean herritarrei bertaratzeko dei egiten hasi ziren sare sozialetatik. Jone Amezagak ezkutuan zeramatzan 18 egun eta Gernikako hitzordua baliatu zuen jendarteratzeko.
Eskerrak jasotako babesari
Espetxean aurkezteko hamar eguneko epea bertan behera geratu izana “kaosa” izan zela aitortu du Amezagak elkarrizketetan. Ertzaintzak egindako txosten batek bultzatu zuen bizkortze hori.
Jone Amezaga atxilotzeko agindua eman du Espainiako Auzitegi Nazionalak, terrorismoa goratzea egotzita. Bere hatz markak pankarta baten zeloan aurkitu zituela adierazi du ertzaintzak, eta Amezagak, dena ukatzeaz gain, muntaia poliziala salatu du.
Gernikan Amezagaren kasuaren inguruan herri mugimendua sortu dute, kasuaren kudeaketa eraman eta "injustizia hau salatzeko".
Ertzaintzaren jarrera salatu dute
ARGIAk aurreratu zuenez, herri harresiei buruzko txosten bat bidali zion Ertzaintzak Espainiako Auzitegi Nazionalari azaroaren 20an, Jone Amezagaren kasuan atxiloketa aurreratzea justifikatzeko. Donostiatik hasi eta Loiolara egindako herri harresi eta desobedientzia ekimenen ezaugarriak deskribatzen ditu argazkiz lagunduta. Amezagaren kasuan, atxiloketa egiteko dagoen 10 eguneko epea kritikatzen du, desobedientzia ariketa aurreikusten dela argudiatuta. Dokumentua osorik daukazue kontsultagai.
Txosten honi erantzunez, Eleak mugimenduak eta Euskal Herriko Libre lan taldeek adierazpenak egin dituzte, Ertzaintzak Madrilgo Auzitegi Nazionalari bidalitako txostena ezagutu ostean. Jone Amezagaren atxiloketa aurreratu nahi izatea onartezintzat jo dute, “desobedientzia zibila kriminalizatzea” delako.
Desobedientziarako deia Gernikan
Ezarri nahi dioten zigorraren atzean “beste interes batzuk” daudela azpimarratu du Amezagak. “Kasu honetan interesak ez datoz Espainiatik. Bertako gobernuaren menpe dauden ertzainek izan dute eragina erabakian. Horrek harritu egin ninduen”.
Desobedientziarako hautua egin du errigoitiarrak. “Libre bizitzeko hautua egin dut, eta jendearen konpromisoari esker izango da herri hau libre”.
Ez dela erraza izango dakien arren, ahal den heinean bere atxiloketa saihesten saiatuko direla esan du. Amezagaren hitzetan, Ertzaintzak herri oso bat ikusiko du beraien erabakiaren kontra. “Atxilotzen banaute ere, beraiek izan daitezela belarriak makurtzen dituztenak”.
Gernikako epaitegian deklaratu beharko dute 2014ko abenduan Jone Amezaga atxilotzeko operazio bortitzaren harira. 29 lirateke ikertutako ertzainak, familiako abokatuak NAIZ.info-ri adierazi dionez. 94 urteko Julia Lanasi hanketan erredurak eragin eta eskumuturra apurtu zioten... [+]
Hemezortzi hilabete igaro ditu preso Zaballa (Araba), Soto Del Real (Madril) eta Brievako (Avila) espetxeetan. 2014ko abenduaren 15ean atxilotu zuten Gernika-Lumoko merkatuan kalez jantzitako ertzainek.
Abenduaren 15a. Urtebete aterkiak zabaldu genduazana. Urtebete laranja koloreko aterpea altxatu gendunetik. Urtebete gure eskuetatik indarrez eroan zindueana. Urtebete!
Gutxienez 19 lagun identifikatu ditu Ertzaintzak Jone Amezagaren atxiloketaren ostean, sare sozialetan ustez egindako irainengatik eta mehatxuengatik.