"Jarduteko unea" dela aldarrikatuko dute azaroaren 25eko manifestazioan

  • Indarkeria Sexistaren Aurkako Plataformak deituta, manifestazioa egingo dute astelehenean, Dena esana dago lelopean. 20:00etan abiatuko da, Gaztelu plazatik.

Artikulu hau CC BY-SA 3.0 lizentziari esker ekarri dugu.

2019ko azaroaren 21an - 09:11

Indarkeria Matxistaren Aurkako Eguna izango da astelehenean, eta urtero bezala, manifestaziora deitu du Nafarroako Indarkeria Sexistaren Aurkako Plataformak. Dena esana dago goiburua aukeratu dute martxarako, oraindik esateko “asko” duten arren, urteak daramatzatelako antzeko aldarrikapenak egiten, baina hor dirauelako indarkeria matxistak. Hori dela eta, “promesa eta hitz hutsaletatik harago, jarduteko ordua” dela aldarrikatu dute: “Haserre gaude, oso haserre; nazkatuta, komunikabideetako politikariekin, epaileekin, eta oro har, sistema judizialarekin, poliziarekin, erlijioarekin… Tratu txarrak ematen, zalantzan jartzen eta epaitzen gaituzten botere guztiekin. Nazkatuta gaude keinu ikaragarriez, hitz hutsalez, estatu itunez eta betetzen ez diren legeez”.

Politikarien hipokresia, beldurrean eta zigorrean oinarritutako sistema judizial patriarkala eta emakumea zalantzan jartzen eta biktimizatzen duten komunikabideak salatu, eta indarkeria matxista desagerrarazteko neurriak eskatu dituzte.

Eskaeren artean honakoak nabarmendu dituzte: feminismoa zehar-lerro gisa izango duten aurrekontuak; bestelako harreman ereduak eskainiko dituen hezkuntza afektibo-sexuala eta benetako hezkidetza erreala; benetako justizia egingo duen justizia sistema bat; erasoak errespetuz eta egiatasunez landuko dituzten komunikabideak, eta emakumeen lan baldintza eta pentsio duinak bermatuko dituen enplegu politika.

Horien guztien alde jarduteko unea dela aldarrikatu dute gaur, eta hala egingo dute astelehenean ere, indarkeria matxistaren aurkako manifestazioan. “Gu hiltzeari eta erasotzeari uztea eta askatasunean bizitzea nahi dugu, inolako beldurrik gabe, eta lanean jarraituko dugu, eragile sozial, politiko eta instituzional bakoitzari interpelazioa eginez, indarkeria matxista desagerrarazteko neuri eraginkorrak lantzen has daitezen”, adierazi dute. Honela amaitu dute hitzartzea: “Erne egongo gara, eta aurrean izango gaituzue. Dena esana dago, jarduteko ordua da”.


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude