Jakindun, ikasleek Zientzia, Fisika eta Matematika on-line, euskaraz eta erraz ikasteko baliabidea
Irakasle eta ikasleak etxetik eta internet bidez ari diren garaiotan, Jakindun irabazi-asmorik gabeko proiektuak gogoratu du zientzia ikasgaiei lotutako bideoak eskaintzen dituela bere webgunean, euskaraz eta doan, “bideo laburrak eta azalpen errazekin”. Hezkuntza komunitatearentzako baliabide izan nahi du ekimenak.
Bere webgunean sartuz gero, kurtsoka banatuta kontzeptu eta ariketa ezberdinak aurkitu daitezke, Fisika, Kimika eta Matematika lantzeko, bereziki DBH ikasten dutenek “hobeto ulertzeko zailak egiten zaizkien ikasgaiak”.
2017an jaio zen hezkuntza plataforma hau, euskaraz eta behar den kalitatearekin eginiko zientzia bideoen defizitari erantzuteko. Behar duenaren eskura dagoen baliabidea izateaz gain, sarea ahalik eta kalitate onena duten euskarazko eduki zientifikoz betetzea eta komunitatea eraikitzea ere badute helburu, “euskara eta zientziaren arteko elkarlana abiapuntu hartuta”.
.jpg)
