Jaizkibelek instituzioei erantzukizuna hartzeko eskatu die, larunbateko Hondarribiko erasoen ondoren

  • Hondarribiko Alardearen biharamunean oharra argitaratu du Jaizkibel konpainia parekideak, larunbatean jasandako erasoa salatuz. “Hondarribiko Kale Nagusian bizitakoak atzera doan olatu baten alderdirik bortitzena erakutsi zuen”, adierazi du Jaizkibelek idatzian.

ARGIA @argia
2018ko irailaren 10a
Jaizkibel Konpainiako kide ugarik beldurra pasa zuten Kale Nagusian, Alarde parekidearen kontrako presioarengatik (argazkia: Bidasoaldeko Hitza).

Plastiko beltzak, txistuak, irainak eta kazetarien kontrako erasoak: aspaldiko Alarderik gogorrena jasanarazi zioten Jaizkibel konpainiari joan den larunbatean Hondarribiko Kale Nagusian. Urtetik urtera errepikatzen den egoera horren erantzule instituzionalak salatu ditu konpainia parekideak Facebooken argitaratu duen ohar baten bidez.

“Udalari eskatu izan diogu guk erantzukizuna, Udala okertutako eta oker kudeatutako egoeraren sortzaile baita”, adierazi dute: Borja Jauregi, Aitor Kerejeta eta Txomin Sagarzazu alkateen izenak nabarmendu dituzte, “guztiak erantzule” direla azpimarratuz.

“Baina olatu atzerakoia handitzen eta inpunitate betean aurrera jarraitzen uzten diona Barne Saila da” Jaizkibelen ustez, Ertzaintzak ez duelako bi hamarkadatan jazarpena geldiarazteko behar bezalako neurririk hartu. Jaizkibelen ustez, Iñigo Urkullu EAEko Lehendakaria bera da egoeraren “azken erantzulea”.

Udalari, Gipuzkoako Foru Aldundiari eta Jaurlaritzari “behingoz boto eta botere kontuak albo batera uzteko” eskatu diete “eta arazo honen konponbidea bideratzeko. Nahikoa da eta”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Hondarribiko alardea kanaletik interesatuko zaizu...
2018-10-09 | ARGIA
Uriarte sailburuaren dimisioa eskatuko du STEILAS sindikatuak, alarde diskriminatzailea babestegatik

"Uriarte baztertzaile, hezkuntzatik alde" leloarekin elkarretaratzea deitu du STEILAS sindikatuak urriaren 22an EAEko Legebiltzarrean. Hezkuntza sailburuak Hondarribiko alarde diskriminatzailea babestu izana deitoratu du sindikatuak.


2018-10-09 | ARGIA
Hondarribiko Alardea berdintasun problema dela gogorarazi dio Jaizkibelek Gipuzkoako Foru Aldundiari

Hondarribiko Jaizkibel konpainia parekideko ordezkariak Gipuzkoako Batzar Nagusietako Berdintasun Batzordean izan dira astelehenean Podemos-Ahal Duguk eskatuta eta salatu dute atzerapausoak eman dituztela instituzioek legegintzaldi honetan, Alardearen gatazka konpontzeko bidean.


Hondarribiko parrokoak lekuz aldatzeko eskatu du Alarde baztertzailearen aldekoen presioagatik

Parrokoaren sermoian polemika sortu zen Alardearen inguruan bakea eta bizikidetza eskatu zuelako. Bizi zena “ikuskizun arbuiagarria” izan zela esan ostean Alarde baztertzailearen aldeko emakume bat aldarera igo zen eta meza moztu zuen.


2018-09-14 | ARGIA
Uriarte sailburua berriz agertu da Alarde diskriminatzailearen aldeko argazki batean

Cristina Uriarte Jaurlaritzako Hezkuntza sailburuak Alarde diskriminatzailea babestu zuen Hondarribiko Kale Nagusian irailaren 8an, zenbait ordu lehenago Jaizkibel Konpainiaren kontrako irainak, txistuak eta plastiko beltzak zabaldu zituzten leku berean, sare sozialetan zabaldu den argazki batek erakusten duenez.


2018-09-13 | ARGIA
Hondarribiarren babesa jaso du Jaizkibelek eta instituzioei eskatu die alarde parekidearen alde inplikatzeko

Agerraldi jendetsua egin du Jaizkibel Konpainiak, joan den larunbatean Hondarribiko Alardean jasan zituen erasoak salatzeko. Eskerrak eman dizkiete irailaren 8tik euren babesa "modu publiko zein pribatuan" erakutsi dieten hondarribiar guztiei eta instituzioei posizionatzeko eskatu diete, "alarde bakar bat, publikoa eta parekidea lortzeko".


2018-09-13 | ARGIA
Women's rights violated during the Hondarribia festivities

During the festivities on 8th September people in favour of the discriminatory Alarde parade cruelly persecuted the women and men taking part in the equal rights group.


2018-09-12 | Nahia Ibarzabal
Alarde parekidearen kontrako erasoak ikertuko dituztela iragarri du Erkorekak

Josu Erkoreka Jaurlaritzako Justizia eta Herri Administrazio sailburuak jakinarazi duenez, Hondarribiko alarde diskriminatzailearen aldekoek larunbatean Jaizkibel Konpainiari egin zizkioten erasoak ikertzeko, grabazioak aztertzeari ekingo dio Segurtasun sailak.


2018-09-11 | ARGIA
Hondarribiko Alardearen berri ematen ari ziren kazetarien aurkako erasoak salatu ditu Hekimenek

Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.


2018-09-11 | ARGIA
ARGIAk babesa adierazten die joan den larunbatean Hondarribian erasoak jasan zituzten kazetariei

Ohar honen bitartez, ARGIA egiten dugun langile guztiok babesa adierazi nahi diegu joan den larunbatean Hondarribiko Alardearen berri ematen ari zirenean erasoak jasan zituzten kazetariei. Horrelako gertakariak informatzeko askatasuna urratzen dutela uste dugu eta onartezinak direla gizarte demokratiko batean.


2018-09-10 | ARGIA
Hondarribiko Alardean kazetariek jasandako erasoak salatu ditu Kazetarien Euskal Elkargoak

Kazetarien Euskal Elkargoak eta Elkarteak "babes osoa" adierazi diete Antxeta Irratiari eta bertako kazetari eta kide guztiei, joan den larunbatean Hondarribiko Alardearen berri ematen ari zen kazetariak "Alarde Baztertzailearen fanatiko baten eskutik" jasandako erasoagatik.


Azkenak
EGILEA
Eguneraketa berriak daude