Kazetarien Euskal Elkargoak eta Elkarteak "babes osoa" adierazi diete Antxeta Irratiari eta bertako kazetari eta kide guztiei, joan den larunbatean Hondarribiko Alardearen berri ematen ari zen kazetariak "Alarde Baztertzailearen fanatiko baten eskutik" jasandako erasoagatik.
Elkargoak salatu duenez, "kazetaria alardearen berri ematen ari zela Alarde Baztertzailearen defendatzaile bat gerturatu eta irainen artean kazetariari bere eskuetatik lanerako tresna den mugikorra kendu eta lurrera bota zion".
Ez zen larunbatean prentsa-askatasunak jasan zuen eraso bakarra izan, oharrean irakurtzen denez. "Beste hedabide batzuetako zenbait lankidek ere hala nola, Berria, EiTB edota Diario Vascok jasan izan zituzten erasoak publikoaren aldetik: kamarak estali, bultzatu, iraindu, lanerako materiala kentzen saiatu edota lana ongi egitea ekidin".
Bi erakundeen ustez, "onartezina" da "hedabideak eta bertako kide zein langileak ez errespetatzea beraien lana egiten ari direnean. Kazetarien lana, eta kazetari beraiek, gizarte demokratiko eta partehartzaile bat bermatzeko ezinbestekoak dira, eta biztanleen oinarrizko eskubideak bermatzeko behar-beharrezkoak: adierazpen askatasuna eta informazio askatasuna zein iritzi kritiko propioa eraikitzeko eskubidea".
Instituzioei ere zuzendu diete mezua Kazetarien Euskal Elkargoak eta Elkarteak, "bereziki, Eusko Jaurlaritzako Segurtasun Sailari": kazetaritzaren ogibidearekin konpromisoa eskatu diete eta komunikazio arloko lanetan ari diren kazetariak babesteko eta defendatzeko konpromisoa eskatu diete.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.