“Jai Gunea muntatuko dugu, herritarrok jaien protagonista nagusiak izanen gara”
Gora Iruñeak aurtengo Sanferminetako egitarauaren zati bat aurkeztu du gaur, eta webgune berezi bat zabaldu dute informazioa emateko eta diru ekarpenak jasotzeko.
2015eko Sanferminetarako hilabete eta gutxi falta den honetan, datorren uztailean Jai Gunea muntatuko dela iragarri dute Gora Iruñea plataformako kideek. Iruñeko Udalari duela aste batzuk euren asmoen berri eman zioten. "La Runa parkeko orubea gurea egin eta bertan bestelako jai eredu bat garatuko dugu. Egun, Iruñeko Udalaren erantzunaren zain gaude, espazio hori lehiaketara atera baitzuen. Gu ez gara lehiaketara aurkeztu, ez baitugu uste hori bidea denik hiri honetako jaiak antolatzeko", esan dute gaurko prentsaurrekoan.
Iruñeak Sanferminetako "benetako mahaia" behar duela azpimarratu dute, "guztion artean nahi ditugun Sanferminak antolatu nahi ditugulako". Eman daiteken aldaketarekin batera, 2016ko Sanferminen prestaketa eta antolaketa "guztion arteko elkarlanaren bidez" emanen dela ziur daudela ere aipatu dute.
Zentzu horretan adierazi dute 2016an ez dutela Jai gunerik nahi. "2016an hiri osoa Jai Gune herritarra izanen da, herritarrok Iruñeko Udal berriarekin batera gure hiriko jai garrantzitsuenak prestatuko ditugulako", esan dute.
Aurtengo egitarau "anitza eta oparoa" izango dela ere iragarri dute, bai Jai Gunekoa eta baita kalekoa ere. Aurten ere eragile herrikoiek emanen diote jaiei puntu interesgarriena eta 300 ekitalditik gora eskainiko dituzte.
Jai Guneari dagokionez Sanferminetan Txiki Gune bat izanen da, egunero 12:00etatik 20:00etara irekita egonen da etengabe eta egunero ekimen kulturalak antolatuko dira adin desberdineko umeak elkarren artean jolasten diren bitartean ikas dezaten. Umeei zuzendutako tailerrak eta ikuskizunak egunero ere izanen dira, aurten Irrien Lagunak, Porrotx, Ene Kantak eta beste asko egonen dira. Eta Uztailaren 8an Txiki Eguna ospatuko da, egun osoan zehar txikiei zuzendutako egitarauarekin.
Jai Gunean ere euskal kulturaz gozatzeko aukera izanen da. Aurten Jon Maia, Uxue Alberdi edota Aimar Karrika bertsolariekin abesteko aukera izanen baitira. Hutsun taldeak ere txalaparta ikuskizuna eskainiko du, eta honetaz guztiaz aparte beste hamaika ekimen ere izanen dira. Kultura aniztasuna eta jatorri desberdineko ohiturak ikasi eta jaki desberdinak dastatzeko aukera ere izanen da, Pais Valenciá-tik etorriko diren lagunei esker, paella jate herrikoi bat eskainiko baitute eta bastoners, dulzainas, pelotaris eta demonis ikuskizunak ere.
Sukalde zerbitzu ekologikoa eskainiko dute aurten ere. Lakabeko lagunek bertako produktu ekologikoekin lan egiten dute eta kalitatea bermatua egonen da. Eta musika talde potenteenak ere Jai Gunean izanen dira beste behin ere. Zerbait aurreratu dute: Gatillazo, Zea Mays, Ze esatek, Yo no las conozco, S. Curro y Papa Wilson, Dj Sohai...
"Hau guztia posible egiteko herritar guztion laguntza eta babesa behar beharrezkoa dugu", esan dute, eta txandak osatzeko izena emateko deia zabaldu dute. Bestetik, iruindar eta herritar guztion babes ekonomikoa behar dutela ere azpimarratu dute. "Sanferminak aurrera eraman ahal izateko herritarron ahalegin ekonomikoa beharrezkoa dugu. Jai Gunea doako gunea da, baina bertan muntatu eta prestatzen ari garen egitarauak aurrekontu bat du. Eta horregatik laguntza eskatzen dizuegu, proiektu hau aurrera atera ahal izateko". Horretarako, eta Sanferminen gaineko informazio guztia zabaltzeko, www.sanferminak.eus webgunea ireki dute.
Oharra: Albiste hau Ahotsa.info gunetik ekarria da lizentzia libreei esker. Originala ikusi hemen.
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]